Komandu Falintil-Forsa Defeza Timor-Leste (F-FDTL) ho Polisia Nasional Timor-Leste (PNTL) lansa operasaun konjunta hodi kontrola no halo prevensaun ba kazu krime ne'ebe mak komete husi membru arte marsiais no rituias iha kapital Dili.

Xefe Estadu Maior Jeral F-FDTL, Tenente Jeneral Domingos Raul Falur Rate Laek, hateten, kazu krime ne'ebe akontese iha kapital Dili, governu hasai ona diretiva operasaun konjunta entre autoridade seguransa no defeza hodi evita krime iha kapital Dili.

Xefe Estadu Maior Jeral F-FDTL, Tenente Jeneral Domingos Raul Falur Rate Laek, hateten, kazu krime ne'ebe akontese iha kapital Dili, governu hasai ona diretiva operasaun konjunta entre autoridade seguransa no defeza hodi evita krime iha kapital Dili.

“Ami autoridade seguransa F-FDTL ho PNTL implementa diretiva ne'e hodi lansa operasaun konjunta durante 24 oras iha kapital Dili hodi prevene kazu krime," Tenente Jeneral Falur Rate-Leak dehan.

Nia dehan, dadaun ne'e operasaun konjunta komesa lao ona iha Dili laran hodi kontrola aktu krime sira ne'ebe mak komete husi membru arte marsiais no rituais.

"Husu ba komunidade sira iha Dili laran halo movimentu keta tauk tanba PNTL ho F-FDTL prontu asegura seguransa ba imi durante 24 oras," nia dehan.

Iha fatin hanesan komandante Operasaun Nasional PNTL Superintendente Xefi Pedro Belo hateten, komandu rua ne'e hodi kontrola movimentu kriminozu sira iha kapital Dili.

"Operasaun konjunta ne'e la tolera kriminozu. Ita sei foti medida rigorozu ba arte rituais ka marsiais sira ne'ebe mak hakarak kria instabilidade iha kapital Dili," Komandante Operasaun Superientendente Xefe Belo dehan.

Tanba ne'e nia dehan, akontesimento sira ne'ebe foin lalais akontese iha kapital Dili ne’ebe balun mate, kanek no tohar ne'e sai preokupasaun bo'ot ba sosiedade no orgaun soberania sira.

"Husu ba lider grupu arte marsiais no rituais sira atu kopera hodi kontribui ba pas no estabilidade ho hari paz no dame iha Timor-Leste," nia husu.

Iha parte seluk Komunidade Zelia Cabral dehan, situasaun ne'ebe mak akontese halo tauk tebes komunidade atu halo movimentu ba nesesidade sira.

"Ami povu hakarak halo movimentu livre iha tempu saida deit tantu kalan ka loron, tanba ne'e husu parte seguransa bele halo intervensaun ba kazu hirak ne'e nune'e joven sira bele tauk," nia dehan.