Sexta, Março 29, 2024
Total visitors: 766366

Sekretariu Estadu Sekretaria Estadu Formasaun Profisional no Empregu (SEFOPE) apoiu fundu ho montante $334,000 resin ba grupu auto empregu sira hamutuk 67 hodi realiza sira nia aktividade.

Sekretariu Estadu Sekretaria Estadu Formasaun Profisional no Empregu (SEFOPE) apoiu fundu ho montante $334,000 resin ba grupu auto empregu sira hamutuk 67 hodi realiza sira nia aktividade.

Sekretariu Estadu SEFOP, Alarico de Rosario, dehan grupu auto empregu hirak ne’ebe mak SEFOPE apoiu fundu ba ne’e liu husi proposta ne’ebe mak sira submete no bazeia ba papel SEFOPE nian hodi hadia ema nia moris liu husi servisu ne’ebe mak grupu sira kria.

“Tanba ne’e Sekretariu Estadu Formasaun Profisional no Empregu (SEFOPE) apoiu fundo ho montante $334,000 mil ita ba grupu auto empregu hamutuk 67 hodi hadia sira nia moris no fo servisu ba ema seluk liu husi aktividade ne’ebe mak sira halo iha grupu,” nia salienta.

Nia dehan, husi grupu 67 ne’ebe mak hetan apoiu fundu husi SEFOPE ne’e mak hanesan, grupu Hortikultura, Hakiak-Ikan, Ofisina, Rental, Agrikultor no seluk tan.

“Orsamentu ne’ebe mak ita apoiu ba grupu hirak ne’e hahu husi $3.000 to’o $8.000 bazeia ba proposta ne’ebe mak grupu sira hato’o mai ita,” SEFOPE Rosario informa iha Kaikoli.

Nai dehan, grupu sira ne’e hetan ona formasaun no sira iha ona esperensia hodi halo atividade maibe ladun la’o, entaun husu apoiub fundu husi governu hodi hala’o negosiu ne’e ba oin, tanba ne’e husu tenke ezekuta osan nee ho diak no tuir planu.

“Bainhira grupu hirak ne’e ezekuta osan la tuir planu mak ita sei fo sansaun katak dada fila osan hirak ne’e no fo fali ba grupu seluk hodi utiliza ba sira nia aktividade,” nia dehan.

Alende ne’e nia dehan, total proposta ne’ebe mak SEFOPE simu husi grupu sira hamutuk 110, husi numeru ne’e iha grupu 67 mak pasa hodi hetan apoiu fundu.

Entretantu, grupu benefisiariu Ofisina husi munisipiu Covalima, Firmino Gusmao, dehan sira nia grupu ne’e eziste tinan barak ona maibe tanba menus finansiamentu hodi halo aktividade, tanba ne’e mak sira halo proposta mai SEFOPE hodi husu apoiu fundu.

“Fundu ne’ebe ami husu ba SEFOPE iha $4.000 no grupu ne’e ami iha na’in lima (5) ami promete katak osan ne’ebe mak ami simu ami sei utiliza tuir planu hodi halo aktividade ne’ebe mak ami grupu Ofisina,” Cordenador Grupu Ofisina Gusmao dehan.

Tanba ne’e nia agradese ba Sekretara Estadu Formasaun Profisional no Empregu SEFOPE tanba bele fo ona oportunidade ba sira nia group hodi sai benefisiariu ba apoiu ida ne’e.