Quarta, Janeiro 19, 2022
Total visitors: 600398

Sekretario Geral Cruz Vermelha de Timor-Leste (CVTL), Luis Pedro Pinto, hateten stok ran iha banku de sangue la estavel tanba ema ne’ebe iha espiritu ajuda ema seluk ho voluntariumente fo ran sei menus tebes.

Sekretario Geral Cruz Vermelha de Timor-Leste (CVTL), Luis Pedro Pinto, hateten stok ran iha banku de sangue la estavel tanba ema ne’ebe iha espiritu ajuda ema seluk ho voluntariumente fo ran sei menus tebes.

Nia dehan realidade ne’ebe akontese durante ne’e, barak liu ema fo ran bainhira familia ruma presiza ran urgente ema la fo ran regular hodi asegura stok ran iha banku de sangue atu ajuda pasiente sira ne’ebe presiza iha hospital.

“Hanesan ohin hau dehan bainhira sira presiza ran, entau sira hatene ona katak ran ne’e importante tebes tanba ne’e ita bele dehan ita sei falta konhesementu no espiritu atu ajuda ema seluk mak sei menus iha sosiedade tan ne’e ami lahalo diet mobilizasaun ran halo mos programa sensibilizasaun ba ema atu ema hakarak voluntario fo ran turuk ida ba ema seluk” nia hateten iha servisu fatin Formosa, Dili.

Nia hateten sira kontinua halo esforsu buka fundus hodi halao atividade sensibilizasaun no mobilizasaun voluntario hodi halo doasaun ran iha banku de sangue atu ajuda moras sira ne’ebe presiza.

Nia hatutan ran ne’e la faan no laobriga ema atu halo doasaun ran tanba ne’e importante haforsa sensibilizasaun atu konsensializa publiku atu iha konsensia no hakarak voluntariumente fo ran.

Nia informa sira iha doadores ran regular no non-regular iha tinan 2021, hamutuk ema nain 2226 tanba ne’e bainhira presiza ran urgente sira kontaktu ho voluntario sira ne’e atu halo doasaun apoia pasiente.

Iha parte seluk, Xefe Unidade Banco de Sangue (BNS), iha Hospital Nasional Guido Valdares (HNGV), Januario da Cruz Freitas hateten tarjeitu ne’ebe sira iha tinan ida halo doasaun ba ema nain 5,280, maibe kada tinan la atinji tanba numeru voluntariu menus.

Nia fo ezemplu iha tinan 2021, sira konsege hetan deit ema nain 3649 mak ran seguru hodi halo doasaun ba pasiente sira ne’ebe presiza ran.

“Agora dadaun kazu dengue pasiente barak liu, lorloron ne’e familia sira mai ita atende ran iha ita apoia dadaun depois familia mai troka fali tanba ne’e tuir posibilidade deit kuandu stok iha ita apoia laiha ita husu familia sira halo doasaun,” nia hateten.

Nia dehan tipu ran ne’ebe susar tebes no menus liu mak ran AB, maibe sira iha kordenasaun ne’ebe diak ho CVTL atu bele buka ran tanba sira iha lista voluntario sira atu halo doasaun urgente.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04