Quarta, Janeiro 19, 2022
Total visitors: 600398

Fatin subar rolu filme Masakre Santa Kruz 12 de Novembru 1991 sai fatin deskansa ikus ba saudozu Max Stahl nia sinzas.

Fatin subar rolu filme Masakre Santa Kruz 12 de Novembru 1991 sai fatin deskansa ikus ba saudozu Max Stahl nia sinzas.

Prezidente Comite 12 de Novembru, Gergorio Saldanha, hateten fatin ne'ebe mak desidi hodi halot sinzas liu husi ejijensia Max Sthal nian rasik banhira nia sei moras iha hospital no Comite 12 de Novembru hamutuk ho familia saudozu Max halo iha fatin ne'ebe mak uluk nian subar rolu filme iha semiteriu Santa Krus.

"Ohin ita halot saudozu Max Stahl nia sinzas iha duni fatin ne'ebe mak uluk nia subar rolu filme Masakre Santa Krus," nia dehan.

Nia dehan, iha fatin ne'ebe halot Max Stahl nia sinzas ne'e desidi ona atu tau plaka ho lia fuan ne'ebe sei hakerek "Fatin ne'e mak salva rolu no rolu ne'e salva Timor-Leste".

"Rolu ne'ebe mak Max Stahl subar iha fatin ne'e hodi salva nasaun Timor-Leste hodi hetan liberdade," Prezidente Comite 12 Saldanha hateten.

Entretantu, Espoza Saudozu Max Stahl, Doutora Ingrid Bucens, hateten fatin ne'ebe mak sai fatin deskansa ikus refere Max Stahl rasik mak hili.

"Max rasik mak husu hau atu halot nia isin mate iha Santa Kruz, no nia lakoi iha fatin seluk," Dr. Bucens hateten.

Nia dehan, bainhira Max sei moras iha hosptal nia dehan, bainhira nia tempu to'o nia lakoi halot iha nia rai Inglatera, Swesia, El-Salvador ka Australia maibe nia hakarak lori nia mai halot iha fatin ne'e nia hela no servisu no nia hadomi durante nia moris tomak, katak iha Santa Cruz Timor-Leste.

"Max hakarak fila mai Timor-Leste tanba nian konsidera Timor-Leste hanesan nia uma rasik. Ami nudar familia agradese ba Estadu no povu Timor-Leste tanba fo onra bo'ot ida ba Max Stahl," nia salienta.

Nia hateten, Max Stahl konsidera, Semiteriu Santa Cruz laos importante deit ba istoria Timor-Leste nian iha funu ba ukun rasik an, maibe Santa Cruz mos importante tebes ba Max Stahl nia moris tomak.

"Max tatoli hela no husu ba govenu no Estadu Timor-Leste atu tau matan no haburas liu tan Centru Audiovizual Max Stahl Timor, CAMSTL arkivu ne'ebe iha sai hanesan prezente ba povu Timor-Leste," nia hatete.

Nia haktuir, maske sofre moras kankru iha kakorok, maibé Max Stahl esforsu no determinadu tebes hodi halo buat hotu atu haburas no ka'er metin CAMSTL, tanba arkivu CAMSTL hanesan prezente Max Stahl nian bá povu Timor-Leste.

Nia hateten, lia fuan ikus ne'ebe nia tatoli ho atem brani katak, "Hau nia lian sei moris iha hau nia filme sira".

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04