Quarta, Janeiro 19, 2022
Total visitors: 600398

Lei protesaun sivil dekretu lei numeru 7 la autoriza governu halo apoiu rekuperasaun ba vitima inundasaun 4 de abril 2021 hamutuk 3700 resin iha kapital Dili tanba sira kuntinua okupa area risku ba dezastre naturais.

Diretor Gerak Protesaun Sivil, Superientendente Ismael Babo, hateten vitima uma kain 3700 ne'e identifikadu ona katak sira laos foin akontese inundasaun maibe kada tinan sempre akontese no governu sempre halo apoiu rekuperasaun.

Diretor Gerak Protesaun Sivil, Superientendente Ismael Babo, hateten vitima uma kain 3700 ne'e identifikadu ona katak sira laos foin akontese inundasaun maibe kada tinan sempre akontese no governu sempre halo apoiu rekuperasaun maibe sira lakoi sai husi fatin risku ba dezastre ne'e.

Nia dehan, vitima uma kain 3700 ne'e identifika okupa rai risku ba dezastre hanesan Kaikoli, Camea Mota Comoro nian no maioria husi lagoa tasi tolu.

"Dekretu protesaun sivil numeru 7 la autoriza governu halo apoiu rekuperasaun ba vitima uma kain 3700 ne'ebe mak la koi kopera ho estadu hodi muda husi area risku ba dezastre naturais, maibe sira kuntinua okupa area refere," DG Protesaun Sivil Babo dehan.

Nia dehan, governu sei fo apoiu bainhira komunidade hirak ne'e tenke sai husi fatin risku ba dezastre, maibe la sai governu sei la halo apoiu rekuperasaun ba sira.

"Se karik mak sira la koi sai husi area risku ne'e lei protesaun sivil fo dalan ba governu atu uza forsa hodi hasai obrigatoriu komunidade ne'ebe mak okupa area risku," nia hateten.

Alende ne’e nia dehan, total vitima inundasaun 4 de abril hamutuk 4800 afetados husi ne'e iha 3000 mak hetan hetan estragos total, fo ona apoiu rekuperasaun ba vitima 1000 resin falta 3700 mak seidauk apoiu tanba kuntinua okupa area risku.

Iha parte seluk Deputadu Parlamentu Nasional, Mariano Asnami Sabino, hateten vitima inundasaun sira tenke kopera ho governu no kumpri ordem hodi husik hela area risku sira mak sira okupa, nune'e bele hetan apoiu rekuperasaun husi governu.

"Ida ne'e laos ita nia governu mak la koi atu selu maibe ne'e lei ne'e mak vigora hodi salva ita nia vida no ita lakoi akontese tan hanesan tinan kotuk ne'ebe mak rezulta ema nain 42 ne'ebe mak lakon vida tamba dezastre," nia dehan.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04