Quarta, Janeiro 19, 2022
Total visitors: 600398

Sentru evakuasaun 2 iha Dili, iha Hera no antigo restorante Metiaut, sei ativu hela tanba vitima inundasaun hamutuk uma kain 22 sei kuntinua okupa hela sentru evakuasaun rua ne'e.

Diretor Jeral Protesaun Sivil, Superientendente Ismael Babo, hateten sentru evakuasaun rua ne'e aktivu ne'e akumula husi uma kain 22 no nia membru familia 140 to'o agora sira seidauk fila.

Diretor Jeral Protesaun Sivil, Superientendente Ismael Babo, hateten sentru evakuasaun rua ne'e aktivu ne'e akumula husi uma kain 22 no nia membru familia 140 to'o agora sira seidauk fila tanba seidauk hetan apoiu rehabilitasaun husi governu.

Nia dehan, sentru evakuasaun rua ne'e sei aktivu tanba vitima sira ne'e sei problema ho rai nune'e mos governu seidauk fo apoiu no seidauk fo apoiu material konstrusaun atu bele rekopera sira nia hela fatin.

"Vitima inundasaun hirak ne'e governu sei fo ekipamentu rekoperasaun maibe sira tenke hatudu kedan fatin atu nune'e hodi konstrui sira nia uma, maibe bainhira seidauk iha fatin governu seidauk fo," DG SEPS Babo dehan iha knar fatin Dili.

Alende ne'e nia dehan, antes ne'e sentru evakuasaun hamutuk 52 mak funsiona hodi fasilita vitima inundasaun 4 de abril sira hela provizoriu, maibe iha sentru evakuasaun 50 mak mamuk ona falta rua.

"Dadaun ne'e ita iha sentru evakuasaun rua inklui ha Hera no antigo restorate Metiaut ho familia uma kain 22 no membru familia 140," nia salienta.

Nia dehan, vitima iha sentru evakuasaun rua ne'e kada fulan governu sempre apoiu nesesidade bazika hodi sustenta sira nia moris lor-loron to'o loron ne'ebe mak sira desidi fila ba ida-idak nian uma.

"Ita mos husu ba familia vitima hirak ne'e ajuda estadu identifika sira nia rai nune'e bele fo apoiu material konstrusaun nune'e bele konstrui sira nia hela fatin," nian dehan.

Entretanto, Xefe Sentru Evakuasaun Domingos do Carmo hateten, maioria vitima ne'ebe mak oras ne'e dadaun okupa hela sentru evakuasaun ne'e tanba rai ne'ebe mak durante ne'e sira hela ba ne'e rai estadu no hasai ona sira husi fatin refere ne'ebe sira atu fila mos uma la iha.

"Maibe dadaun ne'e vitima sira kordena nafatin ho estadu hodi identifika rai hodi halo fali uma no sira ne'ebe hakarak fila ba moris fatin governu bele apoiu," Xefe Sentru Evakuasaun Carmo salienta.

Maibe nia dehan, iha ona informasaun katak vitima sira ne'e ida-idak iha ona rai atu bele konstrui sira nia uma no sira lakoi fila ba munisipiu sira nafatin hela iha Dili hodi halo negosio hodi sustenta sira nian moris no oan nia eskola.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04