Quarta, Setembro 22, 2021

Komandante Seksaun Tranzitu-PNTL, Munisipiu Dili, Inspetor Xefi Domingos Sarmento Gama hateten, lampu merah (semaforo) ida dalan publiku iha kapital Dili laran kondisaun at hotu ona.

Komandante Seksaun Tranzitu-PNTL, Munisipiu Dili, Inspetor Xefi Domingos Sarmento Gama hateten, lampu merah (semaforo) ida dalan publiku iha kapital Dili laran kondisaun at hotu ona.

Nia dehan, lampu merah iha Bidau Toko baru nian, Palaciu Prezidente nian, Bemori nune'e mos dalan protukolu Timor Plaza nian ne 'e la funsional kuaze fulan ida ona, no balun kelur ona.

"Lampu merah sira ne'ebe avaria no la funsiona ne'e difikulta tebes movimentu iha dalan publiku nune'e mos bele rezulta asidente," Komandante Gama hateten.

Tanba ne'e, nia husu governu liu-liu Diresaun Nasional Transporte Terrestre (DNTT) atu toma atensaun ba lampu merah sira ne'ebe mak oras ne'e la funsiona.

"Lampu merah sira ne'e at ne'e mos kuntribui tebes ba asidente tanba ne'e ita husu atu bele halo manutensaun nune'e bele funsiona fali ho diak," nia saliente.

Alende ne'e nia dehan, CCTV sira ne'e monta iha Dili laran hodi apoiu kontrolu seguransa ne'e mos at hotu ona tanba monta kleur ona no la halo manutensaun.

Entretantu, Xefe Departamentu Trafiku Terminais, Joao Eugenio Cabral, hateten lampu merah sira ne'ebe la lakan ne'e identidika hotu ona, la funsiona tanba sirkuitu eletrisidade.

"Dadaun ne'e ami kontrata ona kompana SELDA atu bele halo manutensaun nune'e bele funsiona fali, maibe tanba lampu ne'e stok hotu no presija sosa husi rai liur," nia dehan iha knar fatin Balidi.

Enkuatu nia dehan, total orsamentu ba manutensaun lampu hirak ne’e hamutuk $30.000, pagamentu sei halo depois de hadia remata no lampu lakan hotu,” nia hateten.

Durante lampu merah la funsiona, iha asidente barak mak mosu inklui halo engrafamentu iha estrada iha kapital Dili laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04