Quarta, Setembro 22, 2021

Governu liu husi Sekretariu Estadu Protesaun Sivil (SEPS) no Ministeriu Solidaridade Sosial no Inkluzaun (MSSI) halo ona intervensaun hodi fo apoiu emergensia ba vitima insendiu iha eis merkadu Komoro Dili.

Sekretariu Estadu SEPS, Joaquim Martins Gusmao, hateten insendiu ne'ebe mak akontese foin lalais ne'e afeta tebes ba familia uma kain kauza atus ida resin, uma no sasan uma laran la aproveita hotu.

Sekretariu Estadu SEPS, Joaquim Martins Gusmao, hateten insendiu ne'ebe mak akontese foin lalais ne'e afeta tebes ba familia uma kain kauza atus ida resin, uma no sasan uma laran la aproveita hotu.

"Akontesimentu insendiu ne'e ekipa Bombeiros tun kedan horikalan maibe la konsegue salva tanba uma komunidade nian iha fatin refere besik malu liu no labele salva" SEPS Gusmao hateten.

Maibe nia dehan, ba familia vitima atus ida resin ne'e governu halo ona intervensaun hodi fo kedan apoiu emergensia hodi tulun vitima sira.

"Apoiu ne'ebe mak ita mak hanesan, tenda, foos, biti, kulsaun no sasan dapur nian nune'e mos sasan seluk ne'ebe mak sira presija," nia dehan.

Nia dehan, dadaun ne'e governu fo uluk apoiu emergensia hodi tulun vitima sira, depois de ida ne'e mak ekipa sei halo fali identifikasaun hodi bele halo apoiu humanitaria.

Iha fatin hanesan vitima Joanina Freitas, senti triste tebes tanba lakon nia sasan barak tebes inklui mos osan ne’ebe maka nia kredit husi estadu.

“Ami nia sasan sira hanesan jeleira, sasan kios, obralan nomos sasan uma laran tomak ahi han hotu. Ami halai sai deit ho ropa isin lolon," nia hateten.

Nia dehan, osan ne'ebe mak nia kreditu husi estadu no osan ne'ebe mak rezultadu husi nia negosiu ahi han hotu.

Tanba ne'e husu ba governu atu tau matan ba nia tanba moris hanesan feto faluk ho oan nain rua.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04