Quarta, Setembro 22, 2021

Polisia Munispiu Dili loke prosesu ba pasageiros hamutuk 29 no kondutor bis 1, hamutuk ema nain 30, ne'ebe mak halo movimentu ilegal ho transporte publiku hanesan bis diresaun Lospalos-Dili.

Polisia Munispiu Dili loke prosesu ba pasageiros hamutuk 29 no kondutor bis 1, hamutuk ema nain 30, ne'ebe mak halo movimentu ilegal ho transporte publiku hanesan bis diresaun Lospalos-Dili. Komandante Tranzitu Munisipiu Dili, Inspektor Domingos Gama, hateten oras ne'e dadaun iha kapital Dili nafatin implementa serka sanitaria no governu seidauk hasai rezolusaun hodi autoriza movimentu transporte publiku.

Komandante Tranzitu Munisipiu Dili, Inspektor Domingos Gama, hateten oras ne'e dadaun iha kapital Dili nafatin implementa serka sanitaria no governu seidauk hasai rezolusaun hodi autoriza movimentu transporte publiku hanesan, bis sira atu halo operasaun tama no sai husi Dili, se mak kontra polisia halo aprendesaun ba viatura no submete pasajeiros no kondutor ba prosesu.

"Ita halo ona aprensaun ba transporte publiku bis ida ne'e mak kontra regras implementasaun serka sanitaria halo halo movimentu ilegal hodi tula pasajeirus hamutuk 29 no kondutor nain ida mai Dili," Komandante Tranzitu Dili Inspektor Gama hateten.

Nia dehan bis ne'ebe mak halo movimentu oras ne'e dadaun asegura hla iha komandu munisipiu Dili no pasajeiros 29 no nia kondutor nain ida ne'e polisia liu husi seksaun investigasaun loke ona prosesu ba sira.

"Kondutor ho pasajeiros hamutuk 30 ita submete ona ba prosesu no kondutor alende prosesu ita aplika mos karta infrasaun hodi bele selu multa tan Sim la tuir standar," nia salienta.

Tanba ne'e nia dehan, dadaun ne'e governu liu husi Diresaun Nasional Transporte Terestre (DNTT) seidauk autoriza movimentu transporte publiku tula pasajeiros tama no sai husi Dili, se mak kontra polisia prisesu tuir lei tanba konsidera krimi desobidensia.

Entretantu, Xefe Departamentu Transporte Terestre e Terminais iha DNTT Joao Eugenio Cabral hateten, oras ne'e dadaun governu seidauk hatun autorizasaun ba transporte publiku sira ne'ebe mak halo operasaun tama no sai husi kapital Dili.

"Ita seidauk autoriza operasaun transporte publiku tama no sai husi Dili tanba iha Dili sei implementa serka sanitaria hodi halo prevensaun ba transmisaun Covid-19 nune'e variante Delta ne'ebe mak rejista ona iha Timor," nia dehan.

Nia dehan, bis sira bele halo operasaun maibe laos tula pasajerios, tula sasan nune'e mos familia uma laran maibe tenke iha karta swab no hatudu katak livre husi Covid.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04