Segunda, Maio 17, 2021

Diretor Jeral Servisu Koperativu, iha Ministerio da Saúde, Marçelo Amaral hateten bazea ba evolusaun kazu ne’ebe aumenta signifikante, governu hola ona desizaun atu aplika autoizolamentu ba kazu positivu Covid-19 ne’ebe lizeiru, maibe maioria populasaun sira nian uma la prense rekejitus minimu tanba ne’e obrigado governu tenke buka fatin ba izolamentu.

Diretor Jeral Servisu Koperativu, iha Ministerio da Saúde, Marçelo Amaral hateten bazea ba evolusaun kazu ne’ebe aumenta signifikante, governu hola ona desizaun atu aplika autoizolamentu ba kazu positivu Covid-19 ne’ebe lizeiru, maibe maioria populasaun sira nian uma la prense rekejitus minimu tanba ne’e obrigado governu tenke buka fatin ba izolamentu.

Nia dehan servisu importante ne’ebe dadaun ne’e governu hare hela maka fatin akomodasaun ba pasiente, hahan, medikamentu no ekipamentu mediku nian atu bele responde ba situasaun emergensia tanba numeru kazu loron ida liu ona 100 resin.

“Governu hola ona desizaun katak aplika autoizolamentu no autokuarentina, maibe situasaun social ekonomia ne’ebe ita iha sidadaun barak maka uma la prense rekejitus entau ejiji estado atu hare fatin. Ba sira ne’ebe uma kondisaun diak prense rekejitus ita rekomenda atu halo autoizolamentu atu ita bele kontrola deit,” nia hateten iha servisu fatin Kaikoli, Dili.

Nia dehan kondisaun uma ne’ebe prense rekejitus maka kuartu tenke iha haris fatin ketak, iha ventilasaun ne’ebe diak no funsiona, laiha ema ne’ebe sofre moras kronika.

Nia hateten sira halo ona observasaun ba fatin publiku lubuk ida, liu-liu eskola sira iha kapital Dili laran, maibe presiza halo rehabilitasaun ba saneamentu baziku no eletrisidade tanba fasilidade publiku sira ne’e mos laiha kondisaun ne’ebe apropriado.

Nia hatutan hodi hein prosesu rehabilitasaun ba eskola STM Becora, eskola China no seluk tan, sira mos halo kontratu ho fasilidade privado hanesan Golgota Mall no apartamentu ida ho andar lima, fasilidade religiozu iha Dare atu bele akomoda pasiente sira tanba numeru kazu aumenta makas.

Iha parte seluk, Diretor Ezekutivu Organizasaun Saúde Ba Ema Hotu (SABEH), Doutor André Belo hateten desizaun governu nian aplika autoizolamentu ba kazu lizeiru ne’e pertinente tebes tanba numeru kazu aumenta makas iha kapital Dili kuaze 7.3% populasaun afetadu husi virus ne’e.

“Importante ministerio da saúde no Organizasaun Mundial Saúde nafatin kria kondisaun oinsa atu ema hotu bele hetan tratamentu, maske iha autoizolamentu,” nia hateten.

Nia dehan situasaun agora tama iha transmisaun kominitaria atu tau hamutuk iha fatin ida ne’e difisil tebes tanba fatin ne’ebe limitado tanba ne’e importante maka ema hotu tenke hetan atendimentu saúde.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04