Segunda, Maio 17, 2021

Konselhu Ministrus Timor-Leste nian autoriza hikas movimentu transporte publiku hanesan mikrolet, taxi bele halo operasaun iha kapital Dili laran durante implementasaun serka sanitaria.

Ministru Prezidente Konselhu Ministrus, Fidelis Leite Magalhaes, hateten, tuir dados konaba inundasaun ne’ebe foin lalais akontese ne’e impaktu tebes no komunidade sira presija normaliza hela fatin tanba ne’e governu deside hodi autoriza hikas movimentu transporte publiku.

Ministru Prezidente Konselhu Ministrus, Fidelis Leite Magalhaes, hateten, tuir dados konaba inundasaun ne’ebe foin lalais akontese ne’e impaktu tebes no komunidade sira presija normaliza hela fatin tanba ne’e governu deside hodi autoriza hikas movimentu transporte publiku.

“Makse ita kuntinua suspende serka sanitaria iha Dili laran maibe, ita autoriza hikas movimentu transporte publiku iha Dili laran nune’e mos aktividade negosiu sira,” Ministru Magalhaes hateten.

Nia informa tan katak, liu husi rezultadu enkontru Konselhu Ministrus ne’e deside katak aktividade ne’ebe governu normaliza fali inklui movimentu transporte publiku no aktividade ekonomiku sira hanesan, faan obralan no sasan seluk tan.

“Aktividade ne’ebe ita seidauk autoriza mak misa, eskola, no aktivitividade desportu sira,” nia informa.

Alende ne’e nia dehan, konaba movimentu sidadaun nia ba munisipiu nafatin trata hanesan bai-bain tenke trata dokumentu husi Centro Integrado Gestaun de Crize (CIGC).

Entretantu, Segundu Komandante Polisia Munisipiu Dili, Superientendente Euclides Belo hateten, husi parte polisia nia servisu la’o tuir ordem ne’ebe mak governu hatun liu-liu iha implementasaun serka sanitaria iha munisipiu Dili.

“Ba transporte publiku hanesan taxi, mikrolet ne’ebe mak atu halo sirkulasaun iha Dili tenke kumpri regras sira hanesan mantein distansiamentu social no tenke desinfekta transporte,” Segundu Komandante Belo dehan.

Nia dehan, atu mantein distansiamentu social ba transporte publiku sira nune’e labele kuntribui ba transmisaun Covid-19 kada mikrolet tenke tula ema minimu nain 8, labele liu.

“Bainhira transporte publiku halo sirkulasaun ami sei orienta membru tranzitu sira hodi kontrola, nune’e bele mantein nafatin regras sira, karik kontra sei aplika multa ba kondutor,” nia dehan.

Tanba ne’e husu ba kondutor transporte publiku agora bele halo movimentu maibe tenke kumprimenta regras sira konba prevensaun Covid-19 iha Timor-Leste.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04