Sexta, Abril 16, 2021
Total visitors: 558227

Ekipa teknika laboratoriu hamutuk nain walu (8), iha Servisu Autonomu Medikamentu no Ekipamentu Saúde (SAMES) lorloron halo prosesamentu ba produtu antiseptic no desifentante hodi distribui ba iha fasilidade saúde, fatin kuarentina, no izolamentu atu utiliza ba servisu regular, no desifenta fatin hodi halo prevensaun ba transmisaun Covid-19 iha fatin sira refere.

Pesoal teknika, Flora Amaral hateten prosesamentu produtu antiseptic no desinfentan ne’ebe sira produs bazea ba standar husi Organizasaun Mundial Saúde (OMS) nian, tanba ne’e efetivu atu utiliza hodi prevensaun ba pesoal no familia sira husi virus.

Pesoal teknika, Flora Amaral hateten prosesamentu produtu antiseptic no desinfentan ne’ebe sira produs bazea ba standar husi Organizasaun Mundial Saúde (OMS) nian, tanba ne’e efetivu atu utiliza hodi prevensaun ba pesoal no familia sira husi virus.

Nia salienta material ne’ebe utiliza atu produs antiseptic tuir standar OMS nian maka, alcohol 96%, gliserol 98%, Hydrogen peroxide (H₂O), no aquadest ka bee tornera. No ba desinfentan utiliza klorin no bee tornera deit.

“Alkohol 96% nia maka buat ne’ebe primeiru oho virus, ita mos iha gliserol atu halo liman mamar hodi evita eritasaun ba kulit, no iha mos hydrogen peroxide (H₂O₂), nia funsaun antimicroba atu impede microba ne’ebe mosu iha liquidu ne’e rasik,” nia hateten iha servisu fatin Kampung Alor, Dili

Nia esplika prosesu kahur material sira ne’e sai maka hanesan ba produtu antiseptic foti uluk alcohol 96% ne’e ho kuantidade 833 ml tau iha fatin ida, depois hasai tan hydrogen peroxide 41,7 ml kahur hamutuk, no kahur tan gliserol ho kuantidade 15 ml no aumenta taan bee tornera 200 ml hodi hetan litru ida.

Alende ne’e ba desinfetan, hasai klorin 5 mil no kahur ho bee tornera litru ida deit bele utiliza ona hodi halo desinfeta ba sasan sira no ekipamentu sira.

Nia haktuir ba komunidade sira ne’ebe laiha klorin, bele utiliza mos buyklin kahur ho nia komposisaun hanesan.

Nia informa desifentan ne’e utiliza hodi rega ba sasan no ekipamentu sira, labele hodi rega ba isin lolon ou liman tanba bele kria problema kulit, liu-liu akontese iritasaun tanba klorin makas bele estraga kulit.

Entretantu, Diretora Ezekutiva SAMES, Santana Martins hateten situasaun agora difisil tebes atu produtu hotu depende ba importansaun tanba ne’e sira orieta ekipa teknika sira ne’ebe espesializadu ba ida ne’e atu bele prosesa rasik produtu sira ne’e hodi fasilita atendimentu nasional saúde.

“Governu iha jetaun rasik ita atu atende servisu nasional saude nia lalaok mak tenke hetan autorizasaun husi diresaun nasional farmasia no medikamentu atu ita iha kontrolu se ita laiha kontrola maka derepente izolamentu, kuarentina no hospital sira presiza ita laiha stok, ne’ebe ita tenke kontrola. Ba grupo voluntario sira, no NGO sira ne’ebe presiza apoia bele halo karta pedidu atu ami bele responde,” nia hateten.

Iha parte seluk, Responsavel Movimentu Tasi Moos Mama Bolu Octavio Cardoso hateten sira re-ativa ona atividade hodi apoia governu halo prevensaun ba surtu Covid-19, liu-liu halo desinfenta ba fatin risku sira.

“Ho situasaun emergensia no serka sanitaria ami halo atividade tuir ejijensia publiku nian no fatin sira ne’ebe konsidera riksu ami koko atu halo prevensaun ba fatin sira ne’e,”

Nia dehan sira hetan apoia produtu desinfenta husi SAMES, no sira mos prosesa rasik ho produtu buyklin no seluk tan atu bele halo desinfeta fatin risku ne’ebe detekta kazu positivu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04