Sexta, Abril 16, 2021
Total visitors: 558227

Polisia Komandu Munisipiu Dili koloka ona ekipa Task Force hamutuk nain 50 hodi asegura entrada tama no sai kapital Dili nian.

Segundu Komandante Munisipiu Dili, Superientendente Euclides Belo hateten, agora dadaun komandu munisipiu Dili guarda hela entrada sira tama no sai husi kapital Dili atu kontrola ema labele sai ba munisipiu seluk nune’e mos labele tama mai kapital laran.

Segundu Komandante Munisipiu Dili, Superientendente Euclides Belo hateten, agora dadaun komandu munisipiu Dili guarda hela entrada sira tama no sai husi kapital Dili atu kontrola ema labele sai ba munisipiu seluk nune’e mos labele tama mai kapital laran.

“Ita hare durante loron rua ne’e pozitivu Covid-19 komesa sa’e tanba ne’e ita mantein nafatin seguransa atu komunidade hotu bele kumpri regras serka sanitaria ne’ebe implementa iha Dili laran hodi halo prevensaun ba transmisaun lokal,” Segundu Komandante Belo informa.

Tanba ne’e nia dehan, dadaun ne’e komandu munisipiu Dili koloka ona ekipa task force hamutuk nain 50 hodi asegura entrada sira ne’ebe identifikadu ona.

“Iha entrada ne’ebe ita identifika ona ne’e ita koloka membru task force kada ekipa ema nain 10 hodi bele kontrola movimentu komunidade nian iha pontu entrada hirak ne’e,” nia dehan iha komandu munisipiu Dili.

Tanba ne’e, nia apela ba komunidade sira atu kumpri regras serka sanitaria ne’ebe mak governu fo sai ona, tanba moras corona virus ne’e invisivel no la hare ho matan.

“Ita husu ba komunidade hotu atu kumpri nune’e bele kuntribui ba prevensaun transmisaun lokal iha Timor tanba dadaun ne’e numeru pozitivu sa’e ona ba 11,” nia salienta.

Alende ne’e, nia husu ba komunidade bainhira hetan sintomas ruma tenke kopera ho parte saude nune’e bele halo prensaun lalais.

Entretantu, Deputadu Mariano Asanami Sabino hateten, regras serka sanitaria ne’ebe prezidente dekreta ne’e hanesan meios sira hodi halo prevensaun ba corona virus iha Timor-Leste rai laran tanba ne’e husu sidadaun kumprimenta regras hirak ne’ebe fo sai ona ho diak.

“Ita hotu nafatin uza mascara, mantein distansiamentu sosial, labele halibur maluk liu nain 10 nune’e hodi kuntribui ba prevensaun Covid-19 iha Timor,” Deputadu Sabino salienta.

Tanba ne’e nia dehan, atu prevene transmisaun Covid-19 iha Timor-Leste presija kontribuisaun sidadaun hotu nian, tur hakmatek iha uma, fase liman no sabaun bei-beik, tanba virus corona ne’e hanesan, funu ida tanba ne’e presija ema hotu nia kontribuisaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04