Sexta, Abril 16, 2021
Total visitors: 558227

Kordenador Forsa Tarefa Prevensaun no Metigasaun Surtu Covid-19, iha Centru Integrado Gestão de Crize (CIGC), Dr Rui Maria de Araújo bolu alerta ba pasajeirus bis MABENIFA rute Dili-Baucau, iha loron 1 fulan Marsu, tuku 5:00 lokraik atu aprezenta aan ba ekipa saúde hodi fo atendimentu tanba pasajeiru ida konfirmadu positivu Covid-19.

Kordenador Forsa Tarefa Prevensaun no Metigasaun Surtu Covid-19, iha Centru Integrado Gestão de Crize (CIGC), Dr Rui Maria de Araújo bolu alerta ba pasajeirus bis MABENIFA rute Dili-Baucau, iha loron 1 fulan Marsu, tuku 5:00 lokraik atu aprezenta aan ba ekipa saúde hodi fo atendimentu tanba pasajeiru ida konfirmadu positivu Covid-19.

Nia salienta rezultado investigasaun ekipa vijilansia katak pasajeiru konfirmadu ne’e la halo viajen ba nasaun no munisipio afetado, no lahalo kontaktu ho kazu konfirmadu ruma, maibe bainhira viajen husi Dili ba to’o iha Baucau vizinhu informa ba ekipa saúde foti amostra halo teste rezultado positivu ho cycle threshold 42,5.

“Apela espesialmente ba maluk sira ne’ebe sae bis MABENIFA, iha dia 1 de Marsu, tuku 5 lokraik, husi Dili ba Baucau, atu favor aprezenta aan iha ekipa saúde sira iha imi nia hela fatin hodi bele fo atendimentu,” nia hateten liu husi konferensia imprensa iha CCD Kaikoli, Dili.

Nia dehan ekipa saúde munisipio Baucau no Dili konsege buka tuir kontaktu besik ho kazu konfirmadu ne’e iha Baucau hamutuk ema nain 9, no iha Dili, liu-liu bairo BTN II Tasitolu, aldeia Terra Santa, Suku Madohi ema nain 8, no rezultado teste hatudu negativu, maibe nafatin buka tuir pasajeiru sira seluk.

Nia hatutan iha loron 4 fulan Marsu, ekipa saúde repete teste ba kazu konfirmadu ne’e rezultado negativu ona, maibe sira hotu inklui kontaktu besik sira nafatin hela iha fatin kuarentina hodi hein tempu nesesario repete tan teste dala ida.

Nia informa dadus jeral iha loron 4 fulan Marsu tinan 2021, identifika tan kazu konfirmadu foun 6, ne’ebe kompostu husi kazu 3 detekta iha aldeia Baleo Ki’ik, no kazu 2 iha aldeia Mane ki’ik suku Belulik leten Munisipio Covalima, no kazu ida iha munisipio Baucau tanba ne’e total kazu ativu iha sala izolamentu hamutuk 25.

Iha oportunidade ne’e, nia apela ba populasaun tomak atu nafatin matan moris no neon nain, pratika nafatin medida preventive sira hanesan uza maskara, fase liman beibeik ho sabaun ka dezinfetante ruma, labele kaer liman bainhira komprementa malu, evita halibur malu barak, distansia fisiku mentru ida husi ema seluk.

Iha parte seluk, Ministra da Saúde, Dra Odete Maria Freitas Belo hateten akontese transmisaun lokal no numeru kazu aumenta beibeik tanba asuntu kultura ba kontribui, liu-liu visita familia iha area fronteira nian.

“Fator balun ne’ebe susar ba ita atu rezolve, entau hakarak lakohi ita tenke simu kondisoens balun ne’ebe ita nota hela kazu aumenta. Kazu sira ne’e aumenta laos tanba ita lafo atensaun, maibe tanba asuntu kultura nian ne’ebe akontese iha ita nia fornteria ne’eba,” nia hateten.

Nia apela ba sidadaun sira ne’ebe halo visita ba fatin afetado, no halo kontaktu besik ho ema ruma konfirmadu atu iha konsensia aprezenta aan ba ekipa saúde, labele habelar kontaktu tanba servisu buka tuir kontaktu besik presiza despeza ne’ebe bo’ot, no rekursu humanu limitado tebes.

Nia dehan profesional saúde sira tun hotu ba baze buka tuir kontaktu besik sira, maka sei fo implikasaun ba servisu atendimentu saúde seluk, no ema barak sei mate tanba moras seluk tantu hada’et no lahadaet.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04