Sábado, Março 06, 2021
Total visitors: 551764

Governo Timor-Leste fo toleransia ba sidadaun estrangeiro ne’ebe halo aktividade iha rai laran maibe nia visto mate durante periodu Estado Emergensia (EE).

Diretor Geral Serviso Migrasaun (SM), Superientenden Asistente Luis Bareto hateten, governo nafatin kontrola trabalhador estrangeiro ne’ebe mak utiliza visto hodi serviso iha Timor-Leste.

Diretor Geral Serviso Migrasaun (SM), Superientenden Asistente Luis Bareto hateten, governo nafatin kontrola trabalhador estrangeiro ne’ebe mak utiliza visto hodi serviso iha Timor-Leste.

“Iha kontrolu ne’e ita sei hare sidadaun sira nia visto ne’e mate ka moris, karik mate paz iha implementasaun estado emergensia ne’e ita fo toleransia no sei la prosesu,” DG Migrasaun Bareto hateten.

Nia dehan, ne’e governo fo toleransia ba sira hodi kuntinua halo serviso depois EE remata mak bele renova fali sira nia visto.

“Maibe ita operasaun mak ita hetan sidadaun estrangeiro ne’ebe mak antese estado emergensia nia visto mate ona no seidauk renova ne’e ita la tolera tenke prosesu tuir lei,” nia salienta.

Tanba ne’e nia dehan, durante estado emergensia sidadaun estrangeiro ne’ebe mak visto mate hamutuk 44 sira ne’e governo fo toleransia no sira ne’ebe mak visto mate antes de hamutuk 57 ne’e prosesu iha ona ministerio publiku.

Alende ne’e nia dehan, sidadaun estrangeiro sira ne’ebe mak oras ne’e halo aktividade iha Timor-Leste komposto husi nasaun 28.

Entretanto, Diretor FONGTL, Daniel Santos hateten, liga ba implementasaun EE governo labele aplika multa ka prosesu ba sidadaun estrageiro sira ne’ebe iha Timor-Leste, tanto sira ne’ebe serviso no turista sira.

“Tanba ita hare iha dekreto lei governo ne’ebe mak iha liga ba estado emergensia ne’e labele aplika multa, ka halo prosesu ba sira tanba ne’e la’os sira mak hakarak maibe tanba situasaun surto corona virus,” nia hateten.

Maibe despois de EE no sirkulasaun nasional no internasional livre ona mak sira kontra lei migrasaun nian ne’e obrigasaun tenke prosesu no aplika multa tuir krime ne’ebe mak nia halo.

“Atu nune’e ema nasaun seluk bele tauk atu kontra lei migrasaun nia ne’ebe mak eziste iha Timor no bainhira tama teritorio tenke hakruk ba lei ne’ebe mak kesi ona sira nia ezistensia,” nia dehan.

Tanba ne’e nia dehan, dadaun ne’e fo liberdade ba sira, depois sirkulasaun nasional internasioanl livre ona serviso migrasaun tenke aplika serio duni lei migasaun nian ba sidadaun estrangeiro sira iha Timor-Leste.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04