Quarta, Outubro 28, 2020
Total visitors: 530672

Diretur Executivu Organizasaun Hametin Agrikultura Sustentavel (HASATIL), Gil Boavida preokupa ho kapasidade Konselho Nasional Seguransa Aihan no Nutrisaun Timor-Leste (KONSSANTIL) nian tanba tinan hitu (7) ezistensia seidauk bele iha kordenasaun ne’ebe diak entre liña ministerio sira hodi implementa programa seguransa aihan no nutrisaun iha rai laran.

Xefe Seguransa Alimentar no Informasaun, iha Ministerio Agrikultura no Peskas, Rofino Soares Gusmão hateten KONSSANTIL ne’e orgaun ida atu halo kordenasaun intersektoral sira, liu-liu liña ministerio no parseiru dezenvolvimentu sira ne’ebe toma responsabilidade ba servisu asegura seguransa aihan no nutrisaun iha rai laran.

Nia salienta, sira seidauk hare rezultado signifikante husi esforsu ne’ebe KONSSANTIL halo atu garante seguransa aihan no nutrisaun iha rai laran tanba realidade taxa malnutrisaun ba labarik tinan lima mai kraik sei a’as, no produsaun aihan menus.

“KONSANTIL ne’e estabelese tinan 7 ona, maibe labele fasilita kordenasaun ne’ebe diak entre liña ministerio sira atu fo prioridade ba seguransa aihan no nutrisaun,” nia hateten nia hateten hafoin partisipa iha enkontru tekniku KONSSANTIL iha salaun Ministerio Agrikultura no Peskas (MAP) Comoro, Dili.

Nia dehan, presiza ona tau prioridade mos ba nivel kordenasaun entre liña ministerio sira liu husi KONSSANTIL atu planu programa ne’ebe liga ho seguransa aihan no nutrisaun ne’e tenke integra ho ministerio sira ne’ebe iha relasaun servisu ho ministerio agrikultura no peskas no ministerio da saúde.

Nia fo ezemplu, asuntu kona ba irigasaun tenke kordena ho Ministerio Obras Publika atu mobiliza ekipamentu no tekniku sira hodi bele apoia no liga ba merkadu tenke koalia ho koperativa atu liga ba setor privado sira tanba governu ne’e pakote ida entaun tenke kordena malu hodi atinji objetivu nasional.

Iha parte seluk, Xefe Seguransa Alimentar no Informasaun, iha Ministerio Agrikultura no Peskas, Rofino Soares Gusmão hateten KONSSANTIL ne’e orgaun ida atu halo kordenasaun intersektoral sira, liu-liu liña ministerio no parseiru dezenvolvimentu sira ne’ebe toma responsabilidade ba servisu asegura seguransa aihan no nutrisaun iha rai laran.

Nia rekoñese, kordenasaun entre liña ministerio iha problema, maibe iha intervensaun lubun ida ne’ebe sira halao ona relasion ho seguransa alimentar no nutrisaun.

“Dezafiu bo’ot ba ami mak mudansa estruktura iha governu no nivel tekniku, rekursu no finanseiru mak afeta ba servisu KONSSANTIL nian. Tanba ami presiza fo hanoin fila fali diretur sira atu bele apar knar no responsabilidade KONSSANTIL nian atu sira bele kordena fali ho superior sira,” nia hateten.

Nia dehan, atividade ne’ebe interministerio sira halo ona mak analiza dadus seguransa alimentar iha rai laran no identifika suku vulneravel sira hodi fo apoia fini no tekniku hodi hasa’e produsaun aihan tuir nesesidade ne’ebe sira presiza.

Nia hatutan, halo ona formasaun ba extensionista sira no profesionais saúde sira kona ba agrikultura sensivel ba nutrisaun no promove atividade demostrasaun tein iha nivel suku atu konsiensializa sosiedade kona ba hili no prepara aihan ne’ebe saúdavel ba familia tanba malnutrisaun kontribui husi multisektoral laos deit aihan menus.

Nia haktuir, progressu husi esforsu sira ne’e seidauk bele hare nia rezultado tanba peskiza aihan no nutrisaun foin halao husi ministerio da saúde.

Nia informa, KONSSANTIL estabelese iha tinan 2012 no lidera husi Ministerio Agrikultura no Peskas, bazeia ba deklarasaun Comoro iha tinan 2010, kona ba kompromiso politika husi governu no parseiru atu kombate inseguransa alimentar no malnutrisaun iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04