Quarta, Outubro 28, 2020
Total visitors: 530672

Governo iha ona reskursu humano konaba lian jestual nian hamutuk nain 300 hodi investe ba edukasaun inkluzivo iha Timor –Leste.

Governo iha ona reskursu humano konaba lian jestual nian hamutuk nain 300 hodi investe ba edukasaun inkluzivo iha Timor –Leste.

Vise Prezidente Gabinete Formasaun Professores no Kuntinua (CFPK), MEJD, Arlindo Pinto hateten, durante ne’e governo prepara ona professores espesifiku konaba lian jestual husi munipio Dili, Ermera, Aileu, Bobonaro, Baucau, Liquisa no Manatuto, atu bele hanorin estudante sira ne’ebe ho kondisaun difisiensia iha edukasaun inkluzivo.

“Ita prepara ona professores husi munisipio 7 ne’e hamutuk nain 300, espesifiku iha lian jestual hodi investe iha edukasaun inkluzivo,” Vise Prezidente GFPK Pinto hateten iha Matadouro Dili.

Nia dehan, rekursu humano ne’ebe mak governo prepara ne’e, durante ne’e sira tuir formasaun hahu husi Janeiro – Agosto tinan 2020.

“Ita hare professores nain 300 ne’e nia konhesimento atu lori ita nia maluk sira ne’ebe iha problema tilun atu bele komprende saida mak materia ka informasaun sira ne’ebe mak espalha iha mundo, liu-liu iha Timor-Leste husi lian jestual,” nia hateten.

Nia dehan, preparasaun ba professores sira tanba Instituto Nasional Formasaun Profesional Dosente no Professores (INFORDEPE) kopera ho parseiro internasional hodi oferese formador internasional konaba lian jestual.

“Ita produz professor sira ne’e atu sira bele iha konhesimento diak konaba lian jestual atu bele introduz siensia ba ita nia maluk difisiente sira,” nia hateten.

Enkuanto nia dehan, durante ne’e Timor seidauk iha professor espesifiku iha area lian jestual maibe, liu husi formasaun ne’ebe mak fo husi formador internasional lian jestual, professor nain 300 ne’e mos iha ona konhesiemnto naton atu bele implementa.

Entretanto, Professora Elizita Sarmento husi munisipio Manatuto hateten, liu husi formasaun lian jestual ne’ebe mak sira hetan durante fulan 7 ne’e, sira iha ona konhesimento naton atu bele esplika materia ba estudante difisiente tilun sira ne’ebe mak estuda hamutuk ho estudante seluk iha aula ida.

“Hau fiar katak ho esperiensia naton ne’ebe mak hau hetan, bele implementa iha eskola ne’ebe mak hau hanorin ba liu-liu atu eduka estudante difisiensia tilun sira,” Professora Sarmento hateten.

Enkuanto nia dehan, eskola ne’ebe mak nia hanorin ba ne’e iha estudante nian liman mak difisiente tilun no difisiente fisiku nain rua.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04