- Publika iha: 28 Agosto 2011
Tuir Staf Senior Trafic Diresaun Nasional Transporte e Terestres (DNTT) Joao Eugenio C. da Silva katak Forsa Stabilizasaun Internasional (FSI) ne’ebe to’o agora sei okupa terminal Tasitolu atu hahamuk tiha fatin ne’e nune’e bis sir abele para iha nia fatin.
“Ami haruka ona karta baa mi nia nai ulun sira atu koalia ho Ministru Negosiu Estranjeiru oinsa par abele muda sira sai husi fatin ne’eba,”hateten Joao Eugenio C.da Silva, semana kotuk iha Balide,Dili.
Tuir nia, presiza duni FSI hamamuk fatin ne’eba tanba fatin ne’e terminal atu bis husi Maliana mai bele para iha nia fatin.
Entretantu Prezidente Komisauun G Parlamentar, Deputadu Pedro da Costa hateten , iha orsamentu 2011 nian parlamentu la tau osan hodi hadia terminal sira ne’e.
“ iha intensaun atu hadia terminal sira ne’e maibe orsamentu nebe mak foin dadauk aprova ne’e la tau,” nia dehan.
Alende ne’e tuir taxista Eduardo Rente, katak terminal sira durante ne’e funsiona ho diak maibe bis sira mak dalaruma la para iha terminal e sira lori tama liu pasajeiru mai sidade laran.
“Ami hanesan sofer ho sofer labele fo sala ba malu maibe ida ne’e husi ministeriu ida nia servisu,” Eduardo dehan.