Sexta, Dezembro 09, 2022
Total visitors: 692386

Organizasaun Fokupers realiza semináriu hodi kria ligasaun ho parseiru importante sira governu nian, liu-liu Ministériu Solidaridade Sosiál no Inkluzaun (MSSI), Sekretária Estadu Igualidade no Inkluzaun (SEII), Institutu Apoia Ao Dezenvolvimentu Emprezariál (IADE) no Asosiasaun Emprezária Muller Timor-Leste (AEMTL) hamutuk fó kapasitasaun no empodera feto sobrevivente violénsia doméstika sira atu iha rendimentu rasik hodi sustenta moris lorloron.

Diretora Ezekutivu Fokupers, Maria Fátima Pereira Guterres hateten vitima violénsia doméstika ne’ebé halo keixa no lori kazu ba justisa formál tenke simu konsekuénsia hanesan dalabarak fahe malu ho laen, rezeitasaun no hetan diskriminasaun husi família, tanba ne’e barak moris vulnerável tebes.

Diretora Ezekutivu Fokupers, Maria Fátima Pereira Guterres hateten vitima violénsia doméstika ne’ebé halo keixa no lori kazu ba justisa formál tenke simu konsekuénsia hanesan dalabarak fahe malu ho laen, rezeitasaun no hetan diskriminasaun husi família, tanba ne’e barak moris vulnerável tebes.

“Iha akonpañamentu ne’ebé ami halo, haree no observa katak bainhira iha uma mahon ba sira laiha problema, tanba nesesidade kompleta ho apoia orsamentu husi MSSI. Kestaun mak re-integrasaun, entau oinsa ita bele empodera sira bainhira sira fila fali ba sira nia komunidade,” nia hateten bainhira partisipa iha semináriu ho tema Kria Koneksaun ho Parseiru Importante Sira Husi Governu, Emprezarial no Sosiedade Sivil, iha salaun Fokupers Farol, Díli.

Nia dehan durante ne’e sira iha pakote orsamentu ho ki’ik $400 ba sobrevivente sira ne’ebé prontu fila fali ba komunidade atu hala’o atividade negosiu ki’ik ruma hodi sustenta sira-nia moris, tanba ne’e importante tebes atu fó formasaun ho espesialidade ba sira atu bele halo jestaun negósiu ne’ebé di’ak hodi sustenta sira-nia moris.

Iha parte seluk, Xefe Departamentu Empoderamentu Ekonomia no Partisipasaun Feto Iha Politika, iha SEII, José do Rosariu Carvalho hateten kada tinan sira aloka orsamentu $300,000 dolar amerikanu iha fundu transferénsia públika hodi apoia grupu vulnerável sira halo negósiu.

“Tinan ida ne’e ita aloka $300,000 dolar amerikanu iha fundu transferensia publika atu foku ba NGO sira, grupo sira no ema vulneravel sira,” nia hateten.

Nia hateten apoia fundu ne’e sira uza mekanizmu rotativa, signifika katak grupo ne’ebé hetan apoia orsamentu $2,000 dolar amerikanu halo negosiu durante tinan rua tenke entrega fali osan funan hodi fó fali ba grupu seluk atu halo mós negósiu.

Nia informa grupu hamutuk 135 namkarik iha 150 sukus iha teritorio laran mak hetan ona apoia fundús hodi hala’o atividade negósiu ki’ik. No husi númeru ne’e iha grupu haat mak susesu tebes tanba iha ona kapitál ne’ebé bo’ot.