Segunda, Outubro 02, 2023
Total visitors: 766366

Joven feto nain 65 mak selesionadu ona iha prosesu rekrutamentu membru foun Falintil-Forsa Defeza Timor-Leste (F-FDTL) iha tinan 2022 nian.

Joven feto nain 65 mak selesionadu ona iha prosesu rekrutamentu membru foun Falintil-Forsa Defeza Timor-Leste (F-FDTL) iha tinan 2022 nian.

Kordenador Jeral ba Komisaun Rekrutamentu membru foun Falintil-Forsa Defeza Timor-Leste (F-FDTL), Tenente Corinel Mario Baptista "Bersama" dehan, vaga ne'ebe mak antes ne'e fo sai presija feto hamutuk 300, maibe to'o mai kompete iha feto 149 depois de teste sira ne'e hotu hatudu katak feto ne'ebe mak pasa iha deit 65.

"Iha rezultadu ikus husi prosesu teste ne'e feto iha 65 mak selesionadu hodi tama ba F-FDTL liu husi rekrutamentu tinan 2022 nian," nia informa iha Salaun Auditoriu, Kuarte-Jeral F-FDTL iha Fatuhada Dili.

Nia dehan total selesionadu hamutuk nain 600 kompostu mak rekruta tiha ona, feto nain 65 no mane nain 535 tuir tanjetu ne'ebe mak fo sai antes ona molok halo rekrutamentu ba membru foun.

"Tuir lolos ne'e feto ita fo prioridade 30% no mane 70% maibe to'o iha prosesu rekrutamentu partisipasaun feto menus no rezultadu ikus feto 65 (10,5%) deit mak pasa, maioria mane," Tenente Coronel Bersama dehan.

Nia dehan, selesionadu nain 600 ne'e konkliu ona prosesu teste sira no husi rezultadu teste ne'e mak sira pasa no entrega ona ba Ministeriu Defesa no hetan ona aprovasaun.

"Ita fo tempu ba sira durante semana rua hodi halo preparasaun no dia 20 setembru ita lori sira ba intrega iha Metinaru hodi tuir treinamentu," Kordenador Komisaun Rekrutamentu Tenebre Coronel Bersama Informa.

Tanba ne'e, husu ba aplikantes sira, atu hare'e sira nia naran, no mos informasaun adisionais relativamente ne'ebe mak fo sai ona iha ida-idak nia munisipiu, postu administrativus, no iha Komandu PNTL Munisipiu sira.

"Husu ba kandidatu sira tenke aprezenta an iha Kuartel Jeneral Fatuhada iha dia 19 nune'e dia 20 aranka kedan ba Sentro Formasaun Nicolau Lobato Metinaru no se mak la partisipa ita sei elimina kedan," nia saliente.

Entretantu, selesionada Maria Marcia da Costa dehan, orgulho tebes tanba nia bele selesionadu ona ba vaga rekrutamentu membru foun F-FDTL.

"Hau kontente tebes tanba husi feto nain 149 ne'ebe mak kompete iha vaga ne'e, hau bele hetan oportunidade hodi sai selesionada hodi servisu Instituisaun F-FDTL," nia dehan.