Quarta, Janeiro 19, 2022
Total visitors: 600398

Ministeriu Edukasaun Juventude no Desportu (MEJD) nia implementasaun Politika Fila Hikas Ba Eskola (PFHBE) fasilita ona inan foinsa'e nain 20 despois de partus kuntinua fali estudus hanesan bai bain.

Ministeriu Edukasaun Juventude no Desportu (MEJD) nia implementasaun Politika Fila Hikas Ba Eskola (PFHBE) fasilita ona inan foinsa'e nain 20 despois de partus kuntinua fali estudus hanesan bai bain.

"Politika ne'e ita fo oportunidade ba inan feto sira ne'e mak para eskola tanba isin rua, bainhira partu tiha bele fila mai eskola hanesan bai bain," Diretor Geral Admistrasaun MEJD, Antoninho Pires hateten.

Nia dehan, iha politika ne'e fo dalan ba foinsa'e feto sira atu bele hetan direitu ba eskola to'o hotu hanesan mos mane sira.

Nia dehan, bainhira sira fila ba eskola karik sira lakoi kuntinua iha eskola anterior ne'ebe mak sira eskola, sira bele hili eskola seluk depois ministeriu edukasaun fasilita.

Entretantu, Sekretariu Estadu Igualidade e Inkluzaun (SEII), Maria Jose da Fonseca, hateten politika fila hikas ba eskola ne'e importente tebes hodi asegura ema hotu, feto no mane, iha direitu hanesan asesu ba oportunidade sira ne’ebe estado oferese.

“Ami apoiu implementasaun politika ida ne'e hodi asegura katak estudante feto ne'ebe mak bainhira iha prosesu estudu mak nia hetan dezastre [isin rua], depois de partu bele mai fali eskola," SEII Fonseca hateten.

Nia dehan, Timor-Leste adopta ona konvensaun internasional CEDW iha obrigasaun hodi implementa no formaliza politika fila hikas ba eskola atu garante ema hotu inkliu feto foinsa'e sira ne'ebe mak isin rua iha idade eskola bele asesu fali ba edukasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04