Quinta, Dezembro 08, 2022
Total visitors: 692025

Komandu Polisia Nasional Timor-Leste (PNTL) haruka ona membru feto Superintendente Xefi Natercia Martins hodi ba tuir kursu estadu maior iha nasaun Australia durante tinan ida.

Komandu Polisia Nasional Timor-Leste (PNTL) haruka ona membru feto Superintendente Xefi Natercia Martins hodi ba tuir kursu estadu maior iha nasaun Australia durante tinan ida.

Reprejentante Komandante Jeral, Superintendente Xefi Jose Neto Mock dehan foin primeira ves komandu jera PNTL haruka membru feto ida ba tuir kursu estadu maior, no ne'e hanesan susesu bo'ot ida ba feto PNTL sira.

Nia dehan, kursu ne'ebe mak membru feto ne'e tuir espesifiku iha area estratejia nian durante tinan ida no fila mai hodi dezenvolve instituisaun PNTL.

"Ita fiar katak Superientendente Xefe Natericia Martins sei aproveita didiak kursu estadu maior ne'e no hatudu ba mundu katak feto PNTL mos iha kapasidade diak hodi dezenvolve instituisausaun PNTL," Superientende Xefe Mock hateten.

Entretantu, Xefi Departamentu Jeneru PNTL nian, Superinendente Polisia Julia da Gama dehan, kursu ne'ebe mak Superientendente Xefe Natercia Martins ba partisipa ne'e hodi mos prepara an hodi lidera instituisaun PNTL nian.

"Ita fiar katak tinan tolu mai Komandu PNTL sei iha feto ida mak sei asumi kargu hanesan komisaria PNTL no sei fo influensia boot ba ema hotu, liliu ba iha sosiadade, tanba nia nudar feto ida no sei lori paz," Gama salienta.

Enkuantu tuir dadus, feto ne'ebe asumi kargu xefia sira iha PNTL atinji ona porsentu 50, tanba feto total nain 79 mak oras ne'e nomeda hodi asumi kargu hanesan komandante eskuadra, no kargu xefia sira.

"Ita koko para atu ho mane sira halai hanesan, ka tuur hanesan hodi kompleta malu, ita sei la diskrimina malu," dehan nia.

Nia hateten, total feto PNTL dadaun ne'e iha hamutuk 612 hosi numeru ne'e nain 79 mak asumi ona kargu xefia sira iha nasional to'o ba munisipal sira.