Quarta, Setembro 22, 2021

Membru Parlamentu Nasional, Deputada Lidia Norberta hateten desizaun konfinamentu domisiliariu jeral ne’ebe aplika iha munisipiu Dili, halo produtor agrikola iha area rural labele lori produtu asesu mai merkadu nasional tanba ne’e sira laiha rendimentu sustenta familia.

Membru Parlamentu Nasional, Deputada Lidia Norberta hateten desizaun konfinamentu domisiliariu jeral ne’ebe aplika iha munisipiu Dili, halo produtor agrikola iha area rural labele lori produtu asesu mai merkadu nasional.

Nia dehan instituisaun estado iha munisipiu sira tenke halo servisu makas hodi asegura produtu agrikola sira ne’ebe kuda nain sira produs bele asesu mai iha merkadu nasional.

“Sira labele mai iha Dili, entaun sira nia produtu hanesan has, hudi no seluk tan hare sasan sira ne’e dodok deit no sira ne’ebe hakiak animal fo han animal sira. Maibe felismente sira laiha osan atu sosa buat seluk hanesan mina, foos,” nia hateten iha plenaria parlamentu, Dili.

Nia hateten ministerio kompetente sira tenke hare situasaun ne’e no kria mekanismu ruma hodi transporta produtu sira ne’ebe kuda nain sira produs mai iha merkadu nasional.

Iha parte seluk, Diretora Organizasaun Movimentu Feto Foinsa’e Timor-Leste, Yasinta Lujina hateten uluk governu deside ema ne’ebe simu ona vasina kontra Covid-19 kompletu dose daruak livre halo movimentu iha teritorio nasional tanba ne’e sidadaun sira, liu-liu negosiante ki’ik sira ba simu vasina atu movimentu lori produtu mai merkadu nasional, maibe depois iha mudansa ema hotu tantu seidauk simu vasina no vasina kompletu ona mos atu halo movimentu tenke swab test Covid-19.

“Movimentu ita nia ema atu tama sai ne’e maka sai polemika iha publiku tanba uluk dehan vasina dala rua livre halo movimentu, maibe pratika agora vasina dala rua mos halo swab test. Ne’e mak presiza estado diskute ho lolos lai antes implementa atu labele halo konfuzaun no hamosu violensia entre instituisaun seguransa no komunidade,” nia hateten.

Nia hateten sira nia observasaun atividade ekonomia iha nasional lao nafatin no transportasaun produtu husi munisipiu mai nasional atendimentu iha pontu entrada sira lao.

Nia hatutan dificuldade ne’ebe produtor sira enfrenta agora, liu-liu iha munisipiu sira ne’ebe aplika serka sanitaria no konfinamentu domisiliariu jeral mak trasporte atu transporta sira nia produtu asesu mai merkadu nasional.

Nia informa desizaun politika sira ne’ebe estado foti hanesan estado emergensia, serka sanitaria, konfinamentu obrigatoriu ne’e diak atu prevene transmisaun Covid-19 barak liu tan ba sidadaun sira, maibe lori terus bo’ot ba familia kibi’it laek sira ne’ebe durante ne’e depende ba atividade negosio ki’ik.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04