Quarta, Setembro 22, 2021

Diretor Hospital Referal Suai, Doutor José Moniz Fereira hateten durante estado emergensia ligadu ho propagasaun surtu Covid-19, numeru inan isin rua sira partu iha hospital menus tanba tauk halo swab test.

Diretor Hospital Referal Suai, Doutor José Moniz Fereira hateten durante estado emergensia ligadu ho propagasaun surtu Covid-19, numeru inan isin rua sira partu iha hospital menus tanba tauk halo swab test.

“Iha situasaun Covid-19, ne’e maka ita hetan inan isin rua mai konsulta no partu menus, lahatene balun tauk covid-19. Ne’e kestaun ida ne’ebe pertenente no realidade ne’ebe iha atendimentu ba inan isin rua sira la hanesan tinan hira liu ba seidauk iha Covid-19,” nia hateten iha servisu fatin Suai Vila, Covalima.

Nia dehan iha situasaun normal, loron ida inan isin rua liu nain 4 maka partu iha sala maternidade, maibe aktualmente loron ida inan nain ida ou dala ruma laiha inan ida maka partu.

Alende atendimentu iha sala maternidade, sala enfermaria ba adulto no pedatria ho total kama 24 barak mak mamuk tanba komunidade tauk swab test, entau moras mos hela deit iha uma.

Nia hateten, kazu ativu Covid-19 iha munisipio Covalima menus ona, maibe sira nafatin aplika protokolu prevensaun katak pasiente hotu ne’ebe halo konsulta no internamentu iha hospital tenke swab teste lai atu asegura la halo transmisaun ba ema seluk iha hospital laran.

Nia informa moras ne’ebe registu makas iha hospital ba labarik sira maka moras infesaun respiratoriu aguda, bronchitis, diareia. No ba ema adulto sira barak liu maka problema fuan, iis bo’ot makas no seluk tan.

Iha parte seluk, Ministra da saúde, Doutora Odete Maria Freitas Belo apela ba komunidade sira atu labele tauk swab moras mos hela deit iha uma tanba wainhira moras grave ona risku bo’ot ba mortalidade.

“Hau atu deklara deit iha nee katak, buat ida swab ne’e ita hotu swab, hanesan sidadaun diak ita tenke hakruk ba asaun prevensaun sira. Entau lalika tauk Swab, Ita lakohi tempu ida imi moras to’o grave iha uma, maka mai bele salva no bele mos la salva. Tanba ne’e favor ida moras ne’e ba fasilidade saúde no nafatin uza maskara, handsanitaizer hodi hamos liman,” nia hateten

Nia dehan observasaun iha hospital referral Baucau no Suai, hare numeru inan isin rua partu iha fasilidade saúde menus, signifika numeru partu iha uma a’as.

Nia hateten numeru partu iha uma la ho asistensia husi profesional saúde sira a’as, iha kontribui makas ba taxa mortalidade inan no oan iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04