Domingo, Junho 20, 2021
Total visitors: 566016

Diretora Executivu Organizasaun Forum Komunikasaun Feto Timor Lorosa’e (FOKUPERS), Maria Fátima Pereira Guterres hateten hahu fulan Abril, sira servisu hamutuk Ministerio Solidaridade Sosial no Inkluzaun (MSSI) ho apoia husi parseiru dezenvolvimentu, sira estabelese tan uma provizoriu ida hodi simu no fo atendimentu swab teste ba vitima Violensia Bazea ba Jeneru (VBJ) sira molok koloka sira ba uma mahon hela ho tempu naruk.

Diretora Executivu Organizasaun FOKUPERS, Maria Fátima Pereira Guterres hateten hahu fulan Abril, sira servisu hamutuk MSSI ho apoia husi parseiru dezenvolvimentu, sira estabelese tan uma provizoriu ida hodi simu no fo atendimentu swab teste ba vitima Violensia Bazea ba Jeneru (VBJ) sira molok koloka sira ba uma mahon hela ho tempu naruk.

Nia salienta nesesariu tebes atu iha uma provizoriu simu vitima sira atu bele prevene transmisaun moras COVID-19 ba sira seluk ne’ebe iha ona uma mahon laran tanba situasaun agora tama ona iha transmisaun komunitaria, signifika ema hotu iha risku hetan infesaun.

“Tinan kotuk ita estabelese uma entrada atu vitima sira mai bele hela iha ne’eba hodi kumpri sira nia kuarentina antes refere sira ba uma mahon. Depois mosu transmisaun lokal no komunitaria, ita estabelese fali fatin ida bolu uma provizoriu sira mai hela lai loron ida rua, ita lori ba swab teste rezultado negative ita tau sira iha uma entrada lai antes refere sira ba uma mahon tuir kategoria idade hanesan sira adultu ba uma mahon adulto nian no sira ne’ebe minoridade ba uma mahon labarik nian,” nia hateten via telephone.

Nia dehan agora dadaun iha munisipio Dili, sira iha uma hat maka uma provizoriu, uma entrada, uma mahon ba adultu no uma mahon ba minoridade, ne’ebe hahu funsiona iha tinan 2021.

Nia hateten sira nafatin servisu kolaborasaun ho governu no rede referral sira atu asegura kualker servisu asistensia ba feto no labarik sira, liu-liu vitima sira iha situasaun difisil ne’ebe nasaun enfrenta dadaun ne’e.

Nia informa vitima ne’ebe ativu hela iha uma mahon adulto nain 18 no sira nia ona ne’ebe tuir hamutuk nain 6, no vitima minoridade iha uma mahon minoridade hamutuk nain 12, no uma provizoriu iha nain 2 ho ema ne’ebe tuir nain 2.

Nia hatutan vitima sira ne’e mai ho tipu violensia ne’ebe lahanesan, iha balun kategoria krime violensia domestika, violasaun seksual, abuzu seksual, insestu, no kazu sivil hanesan abandona no violensia publika.

Entretantu, Kordenador Fatin Hakmatek Psychosocial Recovery and Development in East Timor (PRADET), iha Dili, Luisa Marçal hateten durante aplikasaun serka sanitaria no konfinamentu obrigatoriu iha Dili, numeru kliente husi munisipio menus, maibe sira hetan guia marsa atu bele sai husi serka sanitaria hodi ba foti vitima sira ne’ebe presiza tulun.

“Kazu insestu ne’e ami la tolera, labele fila ba uma, maibe violensia husi ema seluk ita konsidera mos vitima nia familia nia hakarak. Los ita la garantia sira nia seguransa keta halo violensia bele akontese fali, maibe ami sempre fo numeru kontaktu atu sira iha ameasa ruma husi suspeitu bele liga ami ba foti fali sira tanba ne’e depende ba vitima fila ba uma ou hela iha uma mahon,” nia hateten.

Iha parte seluk, Xefe Suku Soba, postu administrative Laga Munisipiu Baucau, Francisca Monica hateten durante aplikasaun estado emergensia no serka sanitaria, sira la simu keixa husi vitima sira, la signifika lakontese violensia, maibe ema hotu preokupa ho situasaun agora ligadu ho surtu Covid-19.

“Ami la simu keixa ruma kona ba violensia bazea ba jeneru, liu-liu violensia domestika,” nia hateten.

Nia konsiente feto no labarik sira sai vulneravel liu tan iha situasuan agora tanba prosesu aprendijajen suspende, entau labarik sira tenke ajuda familia halao servisu hodi hetan rendimentu atu sustenta moris lorloron ba tempu naruk.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04