Domingo, Junho 20, 2021
Total visitors: 566016

Diretora Organizasaun FOKUPERS, Fatima Pereira Guterres hateten servisu asistensia ba vitima violensia bazea ba jeneru lao normal iha situasaun serka sanitaria no konfinamentu domisiliariu, maibe sira hasoru dificuldade halo movimentu tanba la hetan karta autorizasaun guia da marsa husi Centru Integradu Gestão Crize (CIGC).

Diretora Organizasaun FOKUPERS, Fatima Pereira Guterres hateten servisu asistensia ba vitima violensia bazea ba jeneru lao normal iha situasaun serka sanitaria no konfinamentu domisiliariu, maibe sira hasoru dificuldade halo movimentu tanba la hetan karta autorizasaun guia da marsa husi Centru Integradu Gestão Crize (CIGC).

Nia saleinta sira hanesan instituisaun solidaridade social, ne’ebe iha Ministerio Solidaridade Sosial no Inkluzaun (MSSI) nia responsabilidade atu trata karta guia da marsa hodi fasilita instituisaun social sira atu halao servisu durante aplikasaun serka sanitaria iha munisipio Dili.

“Problema ne’ebe ami hasoru maka seidauk hetan karta autorizasaun guia da marsa husi CIGC liu husi MSSI, ne’e dificulta ami atu ba kompras hahan no atende vitima sira,” nia hateten via telephone.

Nia dehan iha period serka sanitaria iha kazu ida, sira simu telephone no sira liga ba Polisia Unidade Vulneravel (VPU) atu ba foti vitima, maibe sira mos hasoru limitasaun ba rekursu no transporte iha situasaun agora.

Nia hateten durante ne’e sira servisu kompleta malu, liu-liu wainhira polisia VPU laiha transporte sira maka ba foti vitima iha hela fatin mai uma mahon, maibe ho situasaun agora sira mos labele halo movimentu tun ba komunidade nia uma no hein deit referral husi polisia no parseiru servisu sira.

Nia informa sira mos halo ona pedidu ba CIGC atu halo teste swab ba vitima sira ne’ebe presiza fatin seguru antes sira tama ba uma mahon hodi prevene transmisaun Covid-19 iha uma mahon laran, maibe labele realiza tanba limitasaun reajente atu halo teste.

Nia hatutan sira ho apoia husi parseiru dezenvolvimentus sira estabelese taan uma provizorio hodi akumula vitima foun sira durante loron 5 antes muda ba uma entrada durante loron 14 tempu inkubasaun virus Covid-19 molok koloka sira ba uma mahon.

Tuir dadus actual iha uma mahon Dili, total vitima ne’ebe hela iha uma mahon hamutuk nain 40 kompostu husi vitima minoridade nain 10, vitima adulto nain 23 no inklui nain hitu ne’ebe hela iha uma entrada. Alende ne’e vitima nia oan sira ne’ebe tuir sira hela iha uma mahon hamutuk nain 11. Iha parte seluk, kordenadora Fatin Hakmatek PRADET, Luisa Marçal hateten situasaun agora ligadu ho aplikasaun serka sanitaria no konfinamentu feto no labarik sai vulneravel liu atu hetan violensia iha uma laran no iha komunidade tanba dadus hatudu numeru violensia aumenta makas.

Nia dehan kada fulan sira registu kazu kuaze 40 ba leten, no iha situasaun serka sanitaria vitima sira tauk halo keixa ba polisia.

“Ami uza deit buat sira ne’ebe ministerio saúde hateten hanesan maskara, fase liman no distansia social ami la halo tanba ami fo atendimentu direita ba ema, entau ami sente la seguru atu halo servisu ne’e,” nia hateten.

Nia dehan durante aplikasaun serka sanitaria no konfinamentu, vitima sira la halo keixa ba polisia, maibe liga ba instituisan social sira maka responde liu-liu halo evakuasaun, hasai provas sira no oferese fatin hakmatek ba vitima sira.

 

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04