Sábado, Março 06, 2021
Total visitors: 551764

Sekretaria Estadu ba Igualidade no Inkluzaun (SEII), Maria José da Fonseca Monteiro de Jesus hateten tinan 10 implementasaun lei kontra violensia domestika numeru 7/2010, ema barak iha sosiedade konsiente ona katak violensia domestika no violensia bazea ba jeneru ne’e krime publiku tanba numeru keixa registu iha Unidade Polisia Vulneravel (VPU) kada tinan aumenta.

Sekretaria Estadu ba Igualidade no Inkluzaun (SEII), Maria José da Fonseca Monteiro de Jesus hateten tinan 10 implementasaun lei kontra violensia domestika numeru 7/2010, ema barak iha sosiedade konsiente ona katak violensia domestika no violensia bazea ba jeneru ne’e krime publiku tanba numeru keixa registu iha Unidade Polisia Vulneravel (VPU) kada tinan aumenta.

Nia dehan tinan 2019, keixa ne’ebe tama iha Polisia Nasional Timor-Leste (PNTL), liu-liu Unidade Polisia Vulneravel hamutuk 1,347 kazu, no maioria violensia domestika no violasaun seksual.

“Ida ne’e bele hatudu mai ita katak karik ita nia esforsu seidauk maximu, maibe hatudu mos mai ita servisu advokasia ne’ebe ita halo komesa fo rezultado ema barak hatene ona violensia hasoru feto no labarik feto, no violensia domestika ne’e krime publiku, signifika ema se maka sai vitima, sobrevivente no sasin tenke hato’o keixa,” nia hateten bainhira partisipa iha serimonia lansamentu forum nasional hapara violensia hasoru feto no labarik feto iha salaun Cathedral Bebora, Dili.

Nia hateten luta ba hapara violensia hasoru feto no labarik feto la fasil, presiza servisu hamutuk no kolabaorasaun entre governu no parseiru bilateral no multilateral sira atu buka solusaun ba dezafiu no obstaklu sira hodi atinji mehi sidadaun sira moris livre husi violensia.

Iha oportunidade ne’e, nia husu orgaun komunikasaun sira atu hola responsabilidade habelar informasaun ba komunidade sira kona ba impaktu violensia ba ema nia moris, no enkoraja ema hotu atu hakribi violensia.

Entretantu, Presidente Board Rede Feto Timor-Leste, Yasinta Lujina hateten esforsu sira halo advokasia no kampania prevensaun violensia bazea ba jeneru hatudu rezultado oituan tanba ema barak konsente violensia ne’e la normal, la aseitavel, maibe sei presiza servisu makas liu tan ba prevensaun no servisu asistensia ba vitima sira.

“Ita iha esprensia halo kampanha ho meus oioin, no liu husi forum nasional hapara violensia hasoru feto no labarik feto ne’e ita sei hare hamutuk fali estratejia ne’ebe apropriado ba tempu agora,” nia hateten.

Iha parte seluk, Reprejentante UN Women iha Timor-Leste, Sunita Caminha hateten dadus global hatudu iha situasaun pandemia COVID-19 risku ba violensia domestika a’as tanba konfinamentu, maibe iha situasaun normal mos ema barak sofre violensia husi sira nia parseiru.

“Prevensaun ne’ebe importante tebes maka hahu husi labarik idade ki’ik. Familia no reforsa husi eskola no komunidade tenke asegura laiha fatin ida ba violensia iha ita nia sosiedade, no promove relasaun respeita malu no komunikasaun la ho violentu,” nia hateten.

Nia haktuir bainhira akontese violensia rekonhese katak ema ida lamerese atu hasoru violensia no tenke iha asesu ba justisa no apoia sira seluk atu sobrevivente sira bele moris livre husi violensia.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04