Sábado, Março 06, 2021
Total visitors: 551764

Xefe Gabinete Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria F. Xavier hateten iha tinan 2020, inan nain 7 maka mate husi total 5,577 inan ne’ebe partus, signifika iha redusaun kompara ho tinan hirak liu ba kotuk.

Xefe Gabinete Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria F. Xavier hateten iha tinan 2020, inan nain 7 maka mate husi total 5,577 inan ne’ebe partus, signifika iha redusaun kompara ho tinan hirak liu ba kotuk.

Nia salienta, inan nain hitu ne’ebe mate tanba kauza husi hemoragia depois partu, sofre moras hipertensaun, moras infesaun seluk, no komplikasaun barak.

“Ita komesa hadia ona atendimentu ba kazu emergensia Obstetric. Sira nain hitu ne’ebe mate kauza husi ran fakar, sofre moras hipertensaun, moras infesaun no komplikasaun seluk,” nia hateten iha servisu fatin Bidau, Dili.

Nia dehan tuir dadus HNGV nian hatudu iha tinan 2016, inan nain 33 mak mate, no iha tinan 2017, tun ba nain 18, no iha tinan 2018, sa’e fali ba 24, no iha tinan 2019, tun ba nain 10.

Nia hatutan numeru media partus kada loron iha HNGV hamutuk nain 15, no barak partu normal no balun operasaun cesariana inklui partu ventoza.

Iha parte seluk, diretora organizasaun Fundasaun Alola, Maria Imaculada Guterres hateten servisu atendimentu ba saúde inan no oan iha mudansa, liu-liu integradu ona iha programa saúde primaria hanesan Servisu Integradu Saúde Comunitaria (SISCa), Saúde na Familia (SnF).

Nia dehan atu redus mortalidade inan no oan iha rai laran mak importante hasa’e taxa kobertura ba kuidadu ante natal, asegura inan hotu partu iha fasilidade saúde, no fasilidade saúde hotu iha kapasidade atu fo atendimentu partu ba inan sira.

“Ami sosiedade sivil nafatin iha komitmentu halao servisu foti papel barak liu iha area prevensaun no promosaun nian. Ami fo hanoin inan sira katak presiza kuidadu isin rua, liu-liu hakbesik aan ba fasilidade saúde atu detekta sedu karik sofre moras tensaun, no komplikasaun ruma durante isin rua bele hetan atendimentu lalais atu evita mortalidade,” nia hateten.

Nia dehan numeru mortalidade inan tun, maibe sei a’as kompara ho nasaun seluk tanba ne’e presiza halo esforsu makas liu tan atu meilhora atendimentu kuidadu saúde inan no oan hanesan kuidadu ante natal no enkoraja inan sira partu iha fasilidade saúde.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04