Sábado, Março 06, 2021
Total visitors: 551764

Presidente Board Rede Feto Timor-Leste, Yasina Lujina hateten membru organizasaun balun hetan apoia husi governu Nova Zelandia fo kapasitasaun, no apoia teknika ba grupo produtor feto sira iha area fronteira atu halao atividade agrikultura hodi hasa’e produsaun responde ba nesesidade familia nian.

Presidente Board Rede Feto Timor-Leste, Yasina Lujina hateten membru organizasaun balun hetan apoia husi governu Nova Zelandia fo kapasitasaun, no apoia teknika ba grupo produtor feto sira iha area fronteira atu halao atividade agrikultura hodi hasa’e produsaun responde ba nesesidade familia nian.

Nia dehan iha situasaun normal sidadaun sira iha area fronteira, liu-liu Munisipio Bobonaro, Munisipio Covalima no Rejiaun Administrativu Espesial Oecusse-Ambeno (RAEOA), sira halao atividade ekonomia ba mai iha Atambua no Kefa, Indonesia. Maibe ho situasaun surtu COVID-19 no aplikasaun estado emergensia limita movimentu iha fronteira.

“Dificuldade ne’ebe sira hasoru agora mak merkadu, tanba ita hatene estado emergensia halo ema hela iha uma. Entau saida mak ita halo ami iha programa ida aihan diak ba moris diak, ne’ebe suporta husi governu Nova Zelandia,” nia hateten iha serivus fatin Kaikoli, Dili.

“Ami halo ona asesmentu ba merkadu lokal area fronteira no iha Dili atu fasilita inan feto sira nia produtu. No ita mos apoia ona ekipamentu ne’ebe inan feto sira presiza hanesan hand traktor, sanyo, profile bee nian, mangeira no viveirus tanba durante ne’e sira sosa iha Atambua.”

Nia dehan sira mos servisu hamutuk ho ministerio agrikultura no peskas atu fo kapasitasaun ba inan feto sira kona ba utilizasaun hand traktor, dezenvolve viveirus, produs abudu no pestisida organiku.

Nia hateten sira foku suporta servisu agrikultor nian, liu-liu enkoraja feto maluk sira atu involve ativu iha atividade ida ne’e hodi asegura serguransa alimentar ba familia iha situasaun difisil agora, no kontribui ba rekuperasaun ekonomia iha rai laran.

Nia informa, membrus Rede Feto ativu hamutuk 31, ne’ebe dadaun ne’e halao servisu hamutuk ho komunidade sira iha baze. No servisu ne’ebe sira halao iha setor oioin hanesan setor saúde, edukasaun, agrikultura, servisu sosial no seluk tan.

Iha parte seluk, Membru Parlamentu Nasional, Deputado Duarte Nunes husu governu atu fo atensaun ba nesesidade populasaun sira iha area fronteira nian, atu sidadaun sira bele hakmatek no servisu hamutuk ho autoridade seguransa sira halo kontrolu maximu iha area fronteira.

Nia dehan, sidadaun sira kontinua tama sai ho dalan ilegal tanba nesesidade bazika, liu-liu sira presiza sai ba sorin hodi sosa buat ruma mai faan fali atu hetan rendimentu sustenta nesesidade lorloron nian.

“Ita konsege fo atensaun ba sira nia nesesidade ita hare sira bele fo apoia ba autoridade seguransa sira, entau ita nia seguransa iha fronteira metin liu tan. Se ita asegura iha ne’eba ita sira iha kotuk bele avontade ida-ida halo servisu buka moris atu ekonomia lao,” nia hateten.

Nia dehan governu garantia ona nesesidade populasaun sira iha area fronteira mak sira sei la hakat ba sorin, no bele kontribui ba hamenus risku transmisaun moras covid-19 mai rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04