Quarta, Janeiro 27, 2021
Total visitors: 544951

Reprejentante agensia United Nations Population Fund (UNFPA) iha Timor-Leste, Ronny Lindstrom hateten inisiativa spotlight hanesan meus ida atu hakbi’it instituisaun hotu nia kapasidade servisu hamutuk hodi halo sensibilizasaun ba prevensaun, asistensia no atendimentu ba sobrevivente sira.

Reprejentante agensia United Nations Population Fund (UNFPA) iha Timor-Leste, Ronny Lindstrom hateten inisiativa spotlight hanesan meus ida atu hakbi’it instituisaun hotu nia kapasidade servisu hamutuk hodi halo sensibilizasaun ba prevensaun, asistensia no atendimentu ba sobrevivente sira.

Nia dehan atu responde ba violensia bazea ba jeneru presiza servisu koperativu no komprensivu entre sosiedade sivil, governu no parseiru sira hotu.

“Ita hatene Objetivu Dezenvolvimentu Sustentavel (ODS) iha indikador ida mak tenke halakon violensia bazea ba jeneru, entau inisiativa spotlight hanesan meus ida atu atinji mehi ida ne’e,” nia hateten bainhira partisipa iha atividade sensibilizasaun no kordenasaun profesionais saúde konaba Violensia Bazea ba Jeneru iha salaun Tower Fatuhada, Dili.

Nia dehan depois lansa projeitu inisiativa Spotlight iha fulan Janeiru tinan 2020, governu no organizasaun diferente halao ona esforsu atu hasa’e kobertura sensibilizasaun, haforsa rede referral ba kazu violensia bazea ba jeneru no hadia dadus sira atu bele fo informasaun ne’ebe klaru no klean kona ba kauza violensia hasoru feto no labarik iha rai laran.

Nia informa munisipio tolu mak selesionadu hanesan pilotu ba implementasaun projeitu inisiativa spotlight hanesan munisipio Ermera, Bobonaro no Viqueque tanba dadus hatudu privalensia kazu a’as. No sei halo espansaun ba munisipio tolu seluk ne’ebe prevalensia a’as mos hanesan munisipio Covalima, Dili no Rejiaun Administrativu Espesial Oecusse Ambeno (RAEOA).

Nia hatutan metas ODS numeru 5 koalia kona ba atinji igualidade jeneru no empoderamentu ba feto no labarik feto sira. No iha tarjeitu lubun ida ne’ebe tenke atinji iha tinan 2030, hanesan halakon forma diskriminasaun hotu hasoru feto no labarik feto, elemina forma violensia hotu hasoru feto no labarik feto iha fatin publiku no privado, trafiku humanu no seksual inklui tarjeitu seluk liga ba empoderamentu feto no labarik feto.

Entretantu, Chefe Departamentu Servisu Aksaun Sosial iha Munisipio Ermera, Manuela Oliveira Martins hateten kazu violensia bazea ba jeneru ne’ebe registu husi fulan janeiru to’o loron 4 fulan Dezembru hamutuk 83.

Nia dehan kazu VBJ iha munisipio Ermera a’as tanba komunidade iha ona konesementu no hatene dalan atu buka tulun tanba ne’e sira relata kazu bainhira hetan violensia.

“Kazu aas laos ita lahalo serivsu, maibe kazu a’as tanba ema iha konsementu no hatene mak relata, se sira lahatene sira la relata tanba kazu barak subar hela,” nia hateten.

“Sira hatene dalan atu referral ne’e pasu positivu, maibe atu redus kazu akontese a’as mak ita nafatin halo prevensaun sira liu husi sosializasaun, kampania no buat hotu ne’ebe ita hanoin importante atu redus mak ita halo para depois redus duni.”

Nia dehan iha munisipio Ermera, forma komun ne’ebe kontribui ba vioelnsia bazea ba jeneru mak tradisaun barlaque no forma familia ho idade ki’ik tanba seidauk maduru atu hasoru problema sira iha familia laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04