Segunda, Outubro 26, 2020
Total visitors: 530117

Presidente Board Rede Feto Timor-Leste, Yasinta Lujina hateten kada tinan iha loron 15 fulan Outubru, mundu inklui Timor-Leste selebra loron internasional feto rural atu rekoñese no valoriza servisu feto sira nian hodi kontribui ba dezenvolvimentu iha rai laran.

Presidente Board Rede Feto Timor-Leste, Yasinta Lujina hateten kada tinan iha loron 15 fulan Outubru, mundu inklui Timor-Leste selebra loron internasional feto rural atu rekoñese no valoriza servisu feto sira nian hodi kontribui ba dezenvolvimentu iha rai laran.

Nia salienta, feto rural sira nia kontribuisaun makas tebes ba prosesu dezenvolvimentu iha rai laran, maibe seidauk hetan atensaun ne’ebe maximu husi estado liu-liu governu.

“Ita hare sira enfrenta problema barak iha familia no sosiedade, maibe sira nia nia kontribuisaun ba dezenvolvimentu makas tebes tanba ita hotu hatene produsaun ne’ebe inan feto sira halo iha area remotas, liu-liu aihan sira ba ita hotu ne’ebe moris iha area urbanu hodi halao serivsu sira,” nia hateten iha servisu fatin Kaikoli, Dili.

Nia dehan, liu husi deklarasaun Maubissi, governu hato’o kompromiso atu haforsa feto rural sira nia moris, liu-liu hadia kondisaun ekonomia feto sira nian.

Nia hatutan, esforsu barak mak governu halo ona liu husi politika empoderamentu ekonomia, maibe seidauk hatudu signifikadu tanba sira sei lao do’ok asesu ba fasilidade saúde, lao ho distansia do’ok asesu ba bee moos, difisil asesu ba merkadu tanba ne’e presiza fo prioridade iha orsamentu estado nian.

Nia espera, tinan 2021, governu ida ne’e bele fo prioridade ba empoderamentu ekonomia rural, liu-liu fasilita grupo feto rural sira asesu ba finansiamentu hodi halao atividade negosio nian.

Iha parte seluk, Chefe Suko Soba Postu Administrativu Laga Munisipio Baucau, Francisca Monica hateten atividade ekonomia iha kraik problema, liu-liu ema laiha rendimentu tanba laiha sirkulasaun orsamentu.

“Asesu ba edukasaun no saúde bele dehan 65% feto sira hetan asesu, maibe agora dadaun merkadoria mak problema. Ita nia feto maluk sira halo negosio faan modo ema la sosa entau modo sira ne’e rai to’o dodok deit no sira laiha rendimentu,” nia hateten.

Iha oportunidade ne’e nia husu governu iha orsamentu tinan oin 2021, fo prioridade ba dezenvolvimentu area rural sira tanba tinan barak ona dezenvolvimentu lao iha nasional deit no kapital munisipio.

Nia mos sujere ba governu, atu selebra loron mundial feto rural ne’e tenke halao iha area rural tanba feto sira iha area rural to’o agora lahatene iha loron ida ne’ebe didikadu ba sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04