Segunda, Janeiro 25, 2021
Total visitors: 544459

Governu Thailandia liu husi embaixada iha Timor-Leste apoia orsamentu $3,268.70 ba Organizasaun Fundasaun Alola hodi eleva kapasidade grupo feto produtor artezenatu sira kona ba hadia kualidade produtu, jestaun finanseiru, no diversifikasaun produtu.

Executiva Fundasaun Alola, Maria Imaculada Guterres hateten kada tinan sira hetan apoia fundus ki’ik husi governu Thailandia hodi kapasita grupo feto sira.

Diretora Executiva Fundasaun Alola, Maria Imaculada Guterres hateten kada tinan sira hetan apoia fundus ki’ik husi governu Thailandia hodi kapasita grupo feto sira, no loke oportunidade merkadu ba grupo sira atu faan sira nia produtu.

“Depois kapasitasaun ne’ebe ami fo durante ne’e, hatudu iha ona mudansa bo’ot tanba antes ne’e sira produs no faan tais no selenda deit, maibe agora iha mudansa sira diversifika ona produtu hanesan bringkus, karteira, sinelus, pasta no seluk tan,” nia hateten hafoin simu apoia fundus ki’ik husi embaixador Thailandia iha Timor-Leste iha embaixada Thailandia iha Farol, Dili.

Nia dehan, situasaun surtu COVID-19, dificulta tebes ba grupo feto sira atu bele faan sira nia produtu hodi hetan rendimentu, maibe sira uza oportunidade ne’e atu kapasita grupo sira kona ba hadia kualidade no halo diversifikasaun ba produtu hodi atrai ema atu sosa.

Nia haktuir, produtu ne’ebe grupo sira halao durante ne’e mak soru tais, produs alimentasaun ki’ik, aimoruk tradisional, artezanatu, no sira mos halo ona diversifikasaun ba produtu sira ne’e sai diak liu tan hodi atrai komprador sira.

Iha parte seluk, Embaixador Thailandia iha Timor-Leste, Ekapol Poolpipat hateten apoia fere hanesan jestu koperasaun ne’ebe sira kontribui ba sosiedade Timor-Leste.
Nia dehan, fundu ida ne’e atu finansia projetu kapasitasaun no hakbi’it grupo feto sira ne’ebe iha abilidade no kreatividade ba artezanatu atu sira bele aproveita abilidade ne’e hetan rendimentu ba familia.

“Apoia ida ne’e parte ida husi esforsu Ministerio Negosio Estranjeiru nian atu hamentin relasaun entre Thailandia no Timor-Leste iha setor dezenvolvimentu hanesan setor edukasaun, saúde, agrikultura no dezenvolvimentu sosial nian,” nia hateten.

Nia haktuir, sira iha komitmentu atu suporta nafatin oganizasaun Fundasaun Alola hodi empodera ekonomia feto sira nian liu husi kapasitasaun no fo oportunidade merkadu ba sira atu faan sira nia produtu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04