Tuir Diretor Edukasaun Distrital Distritu Baucau, Januario Cabral hateten iha 2013 programa merenda escolar  sei implementa ho diak liu tan tinan 2012, tanba stok foun tama tiha ona iha armajen.

“Hahan foun komesa tama ona armazen nasional, ne’ebe sei iha preparasaun ba ezame primeiru period ne’e hotu, hahan sira ne’e mos sei drop tutan fali ba armazen iha Distritu sira,” hateten Diretor Cabral, semana kotuk (26/03) iha Tirilolo, Baucau.

Diretor Cabral hatutan, hahan sira ne’e komesa distribui ona ba iha eskola sira hotu iha Distritu Baucau tuir takaran (medida) ne’ebe iha.

Leia mais...

Diretor Eskola Ensino Sekundariu Palaban, Distritu Oe-Cusse, Inacio da Costa hateten oras ne’e dadaun sira nia eskola laiha jis (kapur tulis) no ida ne’e fo impaktu ba prosesu aprendijazen.

‘’Ami nia eskola besik semana rua ona, prosesu aprendizajen ladun la’o tanba falta jis, tanba ne’e  mak ohin hau mai hato’o relatoriu ba educasaun atu buka nia solusaun, espera katak bele rezolve ho lais atu nune’e alunus sira tuir eskola hanesan babain,’’ hateten Diretor da Costa semana kotuk, iha Distritu Oe-Cusse.

Leia mais...

Kordenador programa analfabetizmu iha Distritu Baucau Felix Jeronimo hateten, programa analfabetizmu ne’ebe hala’o iha Distritu Baucau iha 2007-2012, depois de eleisaun Parlamentar, sei deklara sai katak Distritu ne’e livre ona husi analfabetu.

Leia mais...

Diretor Sentru Edukasaun Sivika Dsitritu Oe-Cusse, Juvinal Faria rekomenda ba Governu liu husi Ministeriu Edukasaun (ME) atu troka menu merenda eskolar ho produtu local rai laran nian.

‘’Program merenda eskolar  ne’ebé aplika iha eskola ne’e diak maibe presiza hare ba menu hanesan koto no etu, presiza troka, tanba alunus sira bosan, Ministeriu Educasaun presiza tau matan ho sustentabilidade kuantidade no kualidade  produsaun hortikultura iha ita nia rai laran ne’ebe menus tebes, presiza kopera hamutuk ho parte kompetente atu hasae produsaun local,” rekomenda Diretor Faria, semana kotuk iha Oe-Cusse.

Leia mais...