Quarta, Fevereiro 19, 2025

Ano letivu tinan 2025 ne'e Universidade Nasionál Timor-Lorosa'e (UNTL) no Institutu Politekniku Betano (IPB) preparadu ona simu estadunte foun hamutuk 4.495, tanba UNTL propoin 4095 no IPB 400.

Ano letivu tinan 2025 ne'e Universidade Nasionál Timor-Lorosa'e (UNTL) no Institutu Politekniku Betano (IPB) preparadu ona simu estadunte foun hamutuk 4.495, tanba UNTL propoin 4095 no IPB 400.

Reitór Universidade Nasionál Timor-Lorosa'e (UNTL) João Soares Martins dehan, ano letivu tinan 2025 tuir lista ne'ebé hatama ba Ministériu Ensinu Superiór Siénsia no Kultura (MESSK) simu estudante foun hamutuk 4095.

"Total estudante 4095 ne'e mai husi rekomendasaun fakuldade 10 iha Universidade Nasionál Timor-Lorosa'e (UNTL)," nia informa.

Nia dehan, liga ba númeru estudante foun hirak ne'e kona-ba espasu no fasilidade iha Universidade Nasionál Timor-Lorosa'e (UNTL) sufsiente hodi eduka estudante sira.

"Ita presiza hadi'a no aumenta fasilidade sira hodi fasilita ita-nia estudante foun sira aprende," Reitór UNTL Martins dehan.

Entretantu Prezidente Institutu Politékniku Betano (IPB) Acasio Cardoso Amaral dehan, IPB iha fakuldade rua kada fakuldade iha vaga 200.

"Kada tinan Institutu Politékniku Betano (IPB) sempre simu estudante foun estandar mak 400, depois ami fahe ba fakuldade rua hanesan konstrusaun sivil 200 no saúde animal 200, maibé to'o iha ne'eba menus liuhusi vaga ne'ebé mak IPB oferese, tanba ne'e husu ba estudante foun sira katak tinan ida-ne’e bele ba ona tanba tinan ida ne’e hahú tama ona ba diploma 3," nia salienta.

Enkauntu nia dehan, kona-ba fasilidade prátika iha IPB natoon ba estudante sira hodi utiliza, maibé nafatin presiza investe tan iha laboratóriu no sala de aula sira.

Iha parte seluk Diretóra Jerál Ministériu Ensinu Superiór Siénsia no Kultura (MESSK) Maria Filomena Lay dehan, buletin ne'ebé Ministériu fahe ba estudante sira priense kada eskola hodi asesu ba Universidade UNTL no IPB hamutuk 27.392 no priense ona iha 12.175 no la prense 14.429.

"Ita-nia estudante 12.175 ne'ebé prense ne'e tuir nota mínima ne'ebé ita-nia instituisaun públiku rua ne'e fó," nia hatete.

Nia dehan, estudante sira ne’ebé prense ona buletin no pasa hodi asesu ba instituisaun públiku rua-ne'e dada husi nota ne'ebé aás liu to'o vaga ne'e disponivel.