Quarta, Fevereiro 19, 2025

Estjiáriu husi UNTL hamutuk ho autoridade lokál inklui komunidade harii Gruta Santu Antonio ne’ebé rai hela hanesan lembransa ba komunidade iha Postu Administrativu Maucatar, Munisípiu Covalima.

Estjiáriu husi UNTL hamutuk ho autoridade lokál inklui komunidade harii Gruta Santu Antonio ne’ebé rai hela hanesan lembransa ba komunidade iha Postu Administrativu Maucatar, Munisípiu Covalima.

Xefe Suku Matai Nunu José M. Pereira dehan, prezensa estajiáriu sira husi UNTL ba tinan ida-ne'e halo mudansa tebes ba suku Matai, tanba estajiáriu husik lembrasa ne'ebé diferense liuliu Gruta Santu Antonio.

"Ha'u orgullu loos ho alin estudante estajiariu sira husi Faculdade de Ciências-UNTL, tanba bele tau hela lembransa ida-ne'ebe furak liuliu Gruta Santu Antonio no halo komunidade suku Matai sente orgullu tebes ho sira-nia prezensa ne'e rasik.

Sira-ne'e hotu maka hatudu katak matenek ne'ebé-sira iha rai hela no nafatin sira aprende di’ak no materia balu ne'ebé hetan husi suku Matai ida-ne'e,"dehan xefe suku matai, Pereira ba jornalista TDW iha sede suku Matai foin lalais.

Nia hatutan, Prezensa estajiáriu sira tinan ida-ne'e halo mudansa tebes ba suku matai.

"Ita hatene katak tinan-tinan estudante sira tun estájiu sempre husik lemransa balu ba komunidade, maibé liuhusi lemransa ho Gruta ilas Santo Antonio ida-ne'e sei sai hanesan lembransa permanente iha moris no hetan bensaun ona, ne'e fatin sagradu ona hodi hasae orasaun," Tenik nia.

Nia hameno, ba estudante estajiáriu sira mantein nafatin matenek no kreatividade ne'ebé iha hodi aplika nune’e fó valór ba moris iha futuru.

Estajiada husi FCS-UNTL Octaviana Isidoro de Sá Benevides hatete, sira iha programa lubuk ida maka realiza iha suku Matai no programa hirak ne'e tuir diakusaun grupu no aprova husi autoridade suku Matai.

"Ami hamutuk 19 maka hala’o estájiu iha suku Matai kompostu husi feto na’in-12 no mane na’in-7 no ami mai mós halo atividade hanesan prodús video perfil suku Matai nian, ajuda administrasaun, sinais orientasaun, organograma suku nian, halo asaun karitativa, semináriu, sosializasaun, realiza atividade sira iha 12 novembru no ajuda servisu fiziku ba komunidade sira hanesan halo uma, lia mate no moris ruma no konstrui gruta ho illas Santu Antonio," dehan estajiáda Octaviana.

Nia hatutan, atividade ne'ebé boot liu maka sira konstrui gruta ho ilas Santu Antonio ho ida-ne'e hodi hametin espíritu no fiar komunidade matai nian ba Maromak.

"Iha atividade hirak ne'ebé ami halo ida-ne'e sempre koopera ho Konsellu Suku sira no atividade boot liu maka ho ami nia xefe estajiu harii gruta ho ilas santo Antonio ho gruta ida-ne'e tuir programa ne'ebé ami planu hodi aprezenta ba Konsellu Suku aseita maka ami halo no hetan inaugurasaun iha loron 13 fulan Dezembru tinan 2024 ne'e," tenik nia.