- Publika iha: 08 Setembro 2011
Hafoin pasa ferias durante semana tolu, estudante sira husi ensino primaria to’o sekundaria iha capital Dili, hahu tama hikas eskola iha 22 Agustu 2011 inklui mos estudante sira husi ensino primaria Farol.
“Ohin ami halo limpeza deit tanba foin tama e eskola mos foer los,”informa estudante Nelia Ximenes.
Nelia konta, durante feriadu alende ajuda inan-aman iha uma mos halo vizita ba family sira iha distritu.
“Hau ajuda inan-aman sira iha uma hein alin sira , estuda, ba vizita familia sira iha Distritu ka foho no mos buat seluk tan,” Nelia konta.
Tuir Nelia, nia parte prontu ona atu tama fali eskola hodi tuir prosesu aprendizajen hanesan bai-bain tanba ne’e hanesan dever ida ba estudante sira.
Iha parte seluk inan husi estudante ne’ebe la kohi fo sai nia naran hateten maske feriadu maibe nafatin estuda nune’e bainhira tama fali eskola sira lahaluha material ne’ebe mester sira fo ba sira.
“Loron ajuda hein nia alin maibe kuandu kalan tenke estuda,”nia dehan.