Quinta, Junho 13, 2024
Total visitors: 766366

Diretora Departamento de Inclusão Comunitária Social (DICS), iha Universidade Nacional Timor Lorosa’e (UNTL), Cecilia Pereira hateten iha departamentu incluzaun social ne’e seidauk iha dosente ba língua jestual maibe iha professor permanente na’in 2 no kontratadu na’in 4 no dosente parte-tempu na’in 3.

Decano Faculdade de Ciências Sociais (FCS), Alarico da Costa Ximenes hateten, iha ona resposta pozitivu ba departamentu Dezenvolvimentu Comunitaria no Inkluzaun iha ona dosente ida atu sai hanesan tradusaun ba Língua Jestuál.

“Ami esforsu hela kada tinan ami sempre hato’o pedidu maibé, tanba universidade publiku ida ne’e haree ba orsamentu. Iha tinan kotuk universidade dehan orsamentu la preve depois iha tinan ida ne’e mós ami hato’o tan ba fakuldade no fakuldade sei follow up proposta sira-ne’e,” Diretora Pereira hatete.

Nia mós salienta, departamentu hein hela resposta husi universidade se la disponivel sei buka dalan seluk liuhusi doadór sira iha tempu badak tanba ida ne’e urjente tebes, nune’e departamentu bele prepara ba Avaliasaun ne’ebé sei halo tinan ne’e husi ANAAA (Agência Nacional Para Avaliação e Acreditação Acadêmica).

Iha sorin seluk Decano Faculdade de Ciências Sociais (FCS), Alarico da Costa Ximenes hateten, iha ona resposta pozitivu ba departamentu Dezenvolvimentu Comunitaria no Inkluzaun iha ona dosente ida atu sai hanesan tradusaun ba Língua Jestuál.

“Estudante husi departamentu ICS iha turma ida ka rua mak defisiente tilun, tan ne’e ita durante ne’e buka dosente ba tradusaun língua jestuál no ita hetan ona dosente kontratu atu responde ba nesesidade ne’ebé departamentu hasoru,” dehan Dekanu FCS iha nia knaar fatin, Kampus Kaikoli, Díli.

Nia mós haktuir, agora kontratu ne’e haruka ona ba reitoria atu nune’e professora ne’e bele ba asina ona nia kontratu hodi hahú atividade hanorin iha departamentu.