Terça, Maio 21, 2024
Total visitors: 766366

Ministériu Edukasaun (ME) husu Centro Nacional Chega (CNC) atu integra relatóriu Chega ba kurríkulu eskolár hahú, husi ensinu báziku to'o sekundáriu atu nune'e bele sai hanesan matéria hodi hanorin ba estudante iha eskola.

Ministériu Edukasaun (ME) husu Centro Nacional Chega (CNC) atu integra relatóriu Chega ba kurríkulu eskolár hahú, husi ensinu báziku to'o sekundáriu atu nune'e bele sai hanesan matéria hodi hanorin ba estudante iha eskola.

Ministra ME, Dulce de Jesus Soares, dehan relatóriu Chega ne'e labele rai de’it, maibé presiza mós sai hanesan matéria nune'e bele transmite ba estudante sira iha eskola, atu bele aprende kona-ba akontesimentu sira iha pasadu nune'e mós bele hatene sentidu patriotizmu no nasionalismu loloos.

"Ita husu ba Centru Nasional Chega CNC atu integra relatóriu Chega ba iha kurríkulu eskolár.

Ami fiar katak relatóriu ne'e iha referénsia ne’ebé natoon atu bele hanorin ba estudante sira," Ministra Soares dehan.

Tanba ne'e nia dehan, dadaun ne'e ME asina ona MoU ho CNC hodi integra relatóriu chega ba iha kurríkulu eskolár iha tinan ida-ne'e ba estudante sira hahú husi ensinu báziku to'o sekundáriu.

lha fatin hanesan, Diretór Ezekutivu CNC, Hugo Maria Fernandes hateten, haksolok tebes no fiar ho determinasaun ne‘ebé ministeriu iha ba setór edukasaun nian bele kompleta malu tuir ámbitu kooperasaun nian nu‘udar orgaun sentrál estadu nian hodi bele fahe rekursu nomós apoiu atu integra di’ak liu konteúdu relatóriu Chega iha kurríkulu ensinu.

"Ita integra relatóriu Chega ba kurríkulu ensinu, nune'e mós ita estabelese rede manorin sira-nia iha matéria istória, fó formasaun ba sira inklui dezenvolve manual atu tulun profesór no profesora sira kona-ba matéria istória no direitu umanu ho di’ak liutan," nia dehan.

Enkuantu MoU ne’e válidu durante tinan 3 nia laran no parte rua sei hamosu grupu tékniku konjunta ne’ebé kompostu husi membru na’in haat (4) hodi tau matan ba implementasaun, monitorizasaun no halo avaliasaun ho periodikamente, ba integrasaun relatóriu Chega ba iha kurríkulu ensinu ne'e rasik.