Domingo, Abril 21, 2024
Total visitors: 766366

ONG Belum apoiu Ministériu Edukasaun (ME) hodi halo monitorizasaun ba kualidade hanorin ba profesór hamutuk na’in 14,000 kompostu husi permanente no kontratadu iha teritóriu laran.

ONG Belum apoiu Ministériu Edukasaun (ME) hodi halo monitorizasaun ba kualidade hanorin ba profesór hamutuk na’in 14,000 kompostu husi permanente no kontratadu iha teritóriu laran.

Diretór Ezekutivu ONG Belum, Luis Ximenes, dehan apoiu ne’ebé Belum iha ne'e, hanesan oferese enumeradór hamutuk na’in 70 hodi fasilita ME hodi halo monitorizasaun ba kualidade hanorin iha eskola.

Nia dehan, husi dados ne’ebé ekipa renumerador sira rekolla ne'e bele ajuda governu liu-liu ME hodi bele halo intervensaun ho di’ak ba kualidade hanorin.

"Ha’u fiar katak husi enumeradór na’in 70 ne’ebé Belum oferese hodi apoiu monitorizasaun ba profesór sira kona-ba kualidade hanorin iha eskola ne'e, inisiativa hodi hadia dezenvolvimentu edukasaun iha Timor-Leste," nia dehan.

Nia dehan, atu hadia kualidade edukasaun iha Timor-Leste ne'e la’ós Ministériu Edukasaun nian servisu mesak maibé presiza mós apoiu ema hotu nian.

"Belum apoiu Ministériu Edukasaun hodi halo monitorizasaun ba kualidade hanorin ba profesór sira oinsa atu bele hatene di’ak liutan koñesimentu Profesór sira-nia oinsa no to'o iha ne’ebé no parte ida ne’ebé presiza hadia," nia hatete.

Enkuantu ekipa enumeradór sira hahú desloka ona kada munisípiu hodi halo monitorizasaun ba eskola sira no sei remata iha 19 novembru tinan ne'e.

Entretantu, Ministra ME, Dulce de Jesus Soares, dehan monitorizasaun ne’ebé apoiu husi Belum ne'e ba eskola, hamutuk 1500 eskola iha teritóriu laran tomak.

"Dados ne’ebé ekipa enumeradór sira hetan husi monitorizasaun ne'e tulun tebes Ministériu Edukasaun hodi halo kuadru pesoal hodi halo levantamentu informasaun kona-ba profesór no profesora sira ne’ebé mak seidauk iha koñesimentu di’ak hodi transmite siénsia ba estudante sira," nia dehan.

Tanba ne'e husi dadus hirak ne'e mak ME hodi hatene loloos kualidade hanorin husi profesor no profesora sira atu nune'e bele tau tuir ida-idak nia fatin nune'e mós bele kontinua fali formasaun espesífiku kona-ba materia didátiku ba sira tuir idaidak nia eskalaun.