Sexta, Junho 14, 2024
Total visitors: 766366

Prezidente da Republika, Jose Ramos Horta, apoiu implementasaun programa zoom meeting ne'ebe Ministeriu Edukasaun (ME) kria entre estudante sira Ensinu Sekundáriu Katólika Nossa Senhora de Fátima Turiscai no Eskola ida iha Sydney, Australia, hodi haklean lian Ingles.

Prezidente da Republika, Jose Ramos Horta, apoiu implementasaun programa zoom meeting ne'ebe Ministeriu Edukasaun (ME) kria entre estudante sira Ensinu Sekundáriu Katólika Nossa Senhora de Fátima Turiscai no Eskola ida iha Sydney, Australia, hodi haklean lian Ingles.

Nia dehan, programa hotu ne'ebe mak kuntribui ba dezenvolvimentu edukasaun liu-liu aumenta estudante sira nia koñesimentu, estadu sempre apoiu no prontu kopera.

"Ita apoiu programa zoom meeting hodi kria ligasaun diak entre estudante rai laran nune'e mos rai liur atu bele fase esperiensia ba malu nune'e mos ita nia estudante sira bele aprende liu tan ingles," nia dehan.

Nia dehan, zoom meeting ne'e mos bele fasilita estudante sira iha rai laran nune'e mos fasilita professor sira halo inkontru ruma bele liu husi zoom meeting deit la presija husi munisipiu mai to'o Dili tanba ne'e soe tempu barak iha dalan deit nune'e mos kuntribui ba abandona aula.

"Ita kuntinua nakloke ba Ministeriu Edukasaun bainhira iha problema ruma iha edukasaun bele mai hato'o informasaun ami prontu apoiu," Prezidente Horta dehan.

Enkuantu nia dehan antes ne'e mos ME servisu hamutuk ho Gabinete Prezidensia Repúblika nian hodi realiza feira livru iha ambitu komemorasaun 48 loron FALINTIL iha iha Aldeia Odelgomo, Suku Ai Assa, Postu Administrativu Bobonaro, Munisipiu Bobonaro, tanba ne'e kuntinua apoiu ministeriu hodi rezolve problema hotu ne'ebe mak taka dalan ba dezenvolvimentu edukasaun iha rai laran..

Entertantu, Ministra ME, Dulce de Jesus dehan programa zoom refere ne'e realiza liu husi estudante estajiariu sira husi Sydney ne'ebe mak mai halo estajiu iha eskola iha Timor.

"Estajiariu sira hare katak ita nia estudante sira iha eskola prefere hatene diak konaba lia ingles liu husi hakerek no lee maibe difisil atu halo komunikasaun, tanba ne'e liu husi zoom meeting ne'ebe ita realiza ne'e atu sira bele fo oportunidade ba sira hodi konversa no lian ingles," nia dehan iha palasiu Prezidente.

Nia dehan, antes estudante Sydney sira fila, husi ministeriu edukasaun husu hela sira nia apoiu no koperasaun atu bele realiza programa zoom meeting kada semana ida dala tolu atu bele ajuda estudante sira iha Ensinu Sekundáriu Katólika Nossa Senhora de Fátima Turiskai pratika koalia ingles.

Enkuantu zoom meeting ne'e mos realiza apoiu mos husi kompania Telemor no selu husi eskola Sydney rasik.