Sexta, Junho 14, 2024
Total visitors: 766366

Eskola Ensinu Báziku Sentral (EBC) Calma Uatuquila, Postu Admistrativu Viqueque Vila, Munisípiu Viqueque husugovernu liu-liu Ministériu Edukasaun atu kompleta fasilidade Biblioteka no Desportu atu bele fasilita estudante sira.

Eskola Ensinu Báziku Sentral (EBC) Calma Uatuquila, Postu Admistrativu Viqueque Vila, Munisípiu Viqueque husugovernu liu-liu Ministériu Edukasaun atu kompleta fasilidade Biblioteka no Desportu atu bele fasilita estudante sira.

Koordenadór EBC Calma Uatuquila, Fransisco Gomes dehan, durante ne'e EBC Calma iha sala de aula mamuk ida hodi kria biblioteka atu bele fasilita estudante sira asesu hodi le'e no buka referénsia maibé livru la iha.

Nia dehan, nune'e mós kona-ba ekipamentu desportu nain governu kria tiha kampu hodi realiza desportu eskolár maibé fasilidade la iha.

"Tanba ne'e ita husu governu liu-liu Ministériu Edukasaun atu kompleta fasilidade Biblioteka no Desportu ba EBC Calma Uatuquila atu bele fasilita estudante sira le'e nune'e mós estra kurikular," Koordenadór EBC Calma Uatuquila," Gomes dehan.

Nia dehan, hahú husi tinan 2012 mai to'o ohin loron estudante sira husi eskola refere la asesu ba Biblioteka no Desportu,tanba problema bo fasilidade.

"Ita iha de’it livru manuál professór hamutuk 24, nune'e mós manuál alunu iha 8 mak durante ne'e ita utiliza hodi hanorin estudante sira," nia hatete.

Nia dehan, aleinde ekipamentu Biblioteka no Desportu, meza no kadera ne'ebé durante ne'e sira utiliza mós aat hotu ona no hakarak ka lakohi estudante balun tur de’it iha rai hodi tuir prosesu aprendizajen.

Entrentantu Diretór Jerál Ministériu Edukasaun Antoninho Pires dehan, eskola iha área rurál ne'ebé la iha biblioteka ne'e kada trimestre ministériu ho parseriu sempre realiza biblioteka movel to'o iha eskola.

"Ita sempre halo Biblioteka Movel hahú husi Nasionál, Munisípiu, no Postu Admistrativu sira hodi fasilita estudante sira asesu ba lee livru hodi bele aumenta sira-nia abilidade," nia dehan.

Nia hatete, kona-ba ekipamentu desportu ne'e ministériu entrega iha Edukasaun Munisipál mak tenke toma responsabilidade nune'e mós sei buka meiu oinsá atu bele rezolve.

Enkuantu kona-ba meza no kadera ne'e, EBC Calma Uatuquila mós foin lalais ne'e tama iha lista identifika hodi distribui, tanba ne'e husu atu kuidadu kadera no meza ne'ebé distribui ona atu bele utiliza iha tempu naruk, tanba ne'e responsabilidade koordenador eskola nian importante hodi kontrola.