Terça, Maio 21, 2024
Total visitors: 766366

Ministeriu Ensinu Superior Siensia no Kultura (MESSK) garante universidade hotu iha Timor-Leste sei hanorin ho lian portugues tanba antes ne’e MESSK fasilita ona formasaun lian portuges ba dosente sira iha rai laran nune’e mos rai liur.

Diretor Nasional Curikulun Ensinu Supeior, iha MESSK, Luis Aparicio Guterres dehan, durante ne’e governu ofrese ona kursu portugues ba dosente sira husi universidade publiku no privadu hotu iha Timor tuir lei baze edukasaun nian.

Diretor Nasional Curikulun Ensinu Supeior, iha MESSK, Luis Aparicio Guterres dehan, durante ne’e governu ofrese ona kursu portugues ba dosente sira husi universidade publiku no privadu hotu iha Timor tuir lei baze edukasaun nian.

“MESSK garante katak implementasaun lei baze edukasaun ne’e universidade hotu preparadu ona hodi hanorin ho lian portugues,” nia dehan iha Salaun Katedral Vila Verde, Dili

Nia dehan, governu nafatin asegura katak ensinu superior sira hotu hanorin ho lian portugues iha eskola nune’e mos kuntinua kontrola husi MESSK.

“Ami mos presija konsiensia husi universidade sira hotu atu bele kontrola mos nia dosente sira bainhira nahorin iha aula laran labele uza lian seluk maibe tenke utiliza lian portugues tanba portugues mak hili ona sai lingua de ensinu iha Timor-Leste,” Diretor Aparicio dehan.

Nia hatete, iha fulan maio nia laran ekipa husi MESSK sei tun hodi halo monitorizasaun konaba lei baze eduaksaun iha universidade sira liu-liu konaba utiliza lian portugues hodi hanorin.

“Iha monitorizasaun ne’e mak ita identifika universidade sira la kumpri lei baze edukasaun MESSK sei fo sansaun,” nia informa.

Iha fatin hanesan, Reitor Institutu Superior Filosofia Teologia (ISFIT), Padre Justino Tanec, dehan prosesu aprendisagem ne’ebe mak durante ne’e ISFIT iha maioria materia hotu hanorin ho lian portugues nune’e mos ingles.

“ISFIT hanorin tuir kurikulun nasional ne’ebe mak implementa husi Ministeriu Ensinu Supeior Siensia no Kultura (MESSK) nune’e mos ami kumpri duni lei baze edukasaun katak hanorin ho lian portugues,” nia hatete.

Tanba ne’e nia dehan, ISFIT la iha duvida ba dosente sira nia koñesimentu ba lian portugues, tanba maioria dosente hatene lian 4 portugues, ingles, gregu no latin.