Quinta, Junho 13, 2024
Total visitors: 766366

Primeiru Ministro (PM) Taur Matan Ruak rekoñese maioria eskola sira iha área rurál seidauk kompleta fasilidade edukativa hanesan, kadera meza, bibloteka hodi fasilita estudante sira iha eskola.

Primeiru Ministro (PM) Taur Matan Ruak rekoñese maioria eskola sira iha área rurál seidauk kompleta fasilidade edukativa hanesan, kadera meza, bibloteka hodi fasilita estudante sira iha eskola.

PM Taur dehan, fasilidade hirak ne’e nesesita tebes ba estudante maibé realidade eskola balun iha área rurál la iha kadera, meza no estudante sira tuur de’it iha rai hodi simu materia, nune’e mós biblioteka ba estudante sira asesu ba livru la iha.

“Ita rekoñese katak eskola iha área rurál seidauk kompleta fasilidade esdukativa hodi fasilita estudante sira aprende hodi prepara ba futuru,” PM Ruak dehan.

Tanba ne’e nia dehan, oitavu governu nafatin esforsu kria kondisaun ne’ebé di’ak liuhusi esforsu atu kompleta fasilidade edukativa ba estudante sira iha área rurál atu sira bele asesu ba edukasaun ne’ebé kualidade hanesan estudante sira iha kapital.

Enkuantu nia dehan, kona-ba infraestrutura eskolár ne’e maioria kondisaun di’ak hotu maibé falta de’it mak kadera no meza biblioteka .

Entretantu Ministru Ministerio Edukasaun Juventude no Desportu (MEJD), Armindo Maia, dehan, foin lalais ne’e distribui ona kadera meza hamutuk 1673 prioridade liuba iha área rurál.

“Kartera eskola 1673 ne’e ita distribui ba eskola hamutuk 78 ne’ebé identifikadu katak falta kadera no meza iha área rurál,” nia dehan.

Aleinde ne’e nia dehan, kona-ba biblioketa MEJD rekoñese duni la iha maibé sempre fasilita no biblioketa movel ba to’o área rurál atu estudante sira bele asesu ba le’e livru.

“Kona-ba laboratóriu iha área rurál ita foin kria iha eskola rua iha munisípiu Bobonaro no eskola seluk seidauk," nia salienta.

Maibé nia dehan, espera katak difikukdade sira-ne’ebé mak eskola iha área rurál hasoru ne’e sei rezolve maské la’ós iha oitavu governu nia mandatu.