Sexta, Março 01, 2024
Total visitors: 766366

Ministru Ministeriu Ensinu Superior, Siénsia no Kultura (MESSK), Longuinhos dos Santos husu Institutu Nasionál Siénsia no Teknolojia (INCT) tenke promove no dezenvolve peskiza iha área teknolojia iha Timor-Leste.

Ministru Ministeriu Ensinu Superior, Siénsia no Kultura (MESSK), Longuinhos dos Santos husu Institutu Nasionál Siénsia no Teknolojia (INCT) tenke promove no dezenvolve peskiza iha área teknolojia iha Timor-Leste.

Nia dehan, INCT ne’e kria bazeia ba dekretu lei númeru 23/2014 ho nia misaun atu promove siénsia teknolojia no inovasaun avansada no publikasaun materiál sientífiku iha Timor-Leste.

“MESSK husu atu sira bele halo misaun loloos nune’e bele promove no dezenvolve peskiza iha área teknolojia siénsia inovativu ne’ebé avansadu nune’e bele sai referénsia ba estudante sira bele asesu ka envolve mós estudante iha peskiza,” nia hatete.

Nia dehan, durante ne’e nia observa kriasaun kona-ba INCT ne’e kondisaun di’ak maibé sei iha difikuldade iha rekursu humanu nune’e mós finansiamentu.

“Maibé dadaun ne’e INCT konsegue estabelese ona orgaun diretiva no tau orsamentu másimu atu bele promove dezenvolve peskiza iha área teknolojia ho di’ak,” Ministru MESSK dehan.

Entretantu, Prezidente Konsellu Ezekutivu INCT, Jose Cornelio Guterres dehan INCT nu’udar institutu públiku ida-ne’ebé harii bazea ba dekretu governu númeru 23/2014 de Marsu ho misaun atu kontinua promove siénsia, teknolojia no inovasaun avansada, publikasaun, desiminasaun no katalogasaun materiál sientífiku sira iha TL.

“Durante ne’e ita halo ita-nia responsabilidade ho profesionál liu kona-ba peskiza iha área teknolojia inovativu nian,” nia dehan.

Nia dehan, INCT durante ne’e halo peskiza puru ne’e INCT halo konsegue finaliza ona projetu 35 hahú husi tinan 2019 to’o 222.

“Totál orasmentu ne’ebé ita gasta ba peskiza ne’e hamutuk $250,000,” Prezidente Konsellu Ezekutivu INCT Cornelio dehan.

Nia dehan, iha 2023 ne’e haree liuba programa sira kona-ba peskiza puru ne’ebé servisu hamutuk ho IES ba projetu 17 ne’ebé mak prepara ona.