Quinta, Dezembro 08, 2022
Total visitors: 692025

Ministériu Edukasaun Juventude no Desportu (MEJD) liuhusi Edukasaun Munisípiu Díli identifika ona estudante hamutuk na’in 10 utiliza diploma falsu hodi hala'o estudu iha Ensinu Sekundária Jerál.

Ministériu Edukasaun Juventude no Desportu (MEJD) liuhusi Edukasaun Munisípiu Díli identifika ona estudante hamutuk na’in 10 utiliza diploma falsu hodi hala'o estudu iha Ensinu Sekundária Jerál.

Diretór Edukasaun Munisípiu Díli, Carlito da Silva dehan, estudante nain 10 ne'e utiliza diploma falsu husi Ensinu Báziku hodi kontinua estudu iha Ensinu Sekundária Jerál iha kapitál Díli.

"Ita identifika ona no ita sei bolu sira atu bele husu sira kona-ba ema sé mak fasilita sira hodi asesu ba diploma falsu ne'e," nia dehan.

Nia dehan, depois de halo prosesu verifikasaun sei aprezenta ba MEJD atu bele kuntinua prosesu tanba ne'e krime falsifikasaun dokumentu.

"Nune'e mós ita sei identifika ema ne’ebé mak prodús diploma falsu ne'e atu bele prosesu," nia salienta.

Iha parte seluk, Koordenadór Rede Edukasaun Timor-Leste Coalition for Education (TLCE) José Monterio hatete ligadu ba problema falsifikasaun diploma ne'e la’ós ema seluk.

"Ministéru Edukasaun Juventude no Desportu MEJD tenke investiga funsionáriu sira liu-liu sira ne’ebé mak tama konta ba iha prodús diploma ne'e, atu nune'e bele halo prosesu tanba ema sira hanesan ne'e la merese," nia dehan.

Nia dehan, ema hotu hakilar profesór sira mak la hanorin ho profesionál, maibé la’e.

"Hahalok ida ne'e la di’ak tanba ita la kontribui ba kualidade edukasaun iha Timor-Leste," Koordenadór TLCE Monterio lamenta.