Quinta, Dezembro 08, 2022
Total visitors: 692025

Ministeriu Edukasaun Juventude no Desportu (MEJD) distribui ona kartera eskolar hamutuk 1.565 ba eskola 20 iha area remotas ihamunisipiu Bobanaru, Ainaru, no Ermera.

Ministeriu Edukasaun Juventude no Desportu (MEJD) distribui ona kartera eskolar hamutuk 1.565 ba eskola 20 iha area remotas ihamunisipiu Bobanaru, Ainaru, no Ermera.

Diretor Diresaun Nasional Lojistika no Teknolojia (DNLT), iha MEJD, Pedro Pinto dos Reis dehan eskola 20 iha area remotas ne’ebe ministeriu halo ona distribuisaun kartera eskolar kompostu husi munisipiu Bobonaru eskola 14, Ainaru 5, no Ermera 1.

“Eskola 20 iha remotas ne’e ita distribui kartera eskolar hamutuk 1.565 ba Bobonaru ita distribui 1.095, Ainaru 320, no munisipiu Ermera iha 150. Eskola 20 ne’e kompostu husi esnsinu baziku to’o sekundariu jeral no tekniku vokasional,” Diretor Pinto dehan iha Vila-Verde.

Nia dehan, kartera eskolar hirak ne’e MEJD halo tiha ona distribuisaun ba to’o ona iha eskola 20 ne’ebe mak identifikadu durante ne’e la iha kadera no mesa, hodi estudante sira asesu ba prosesu aprendisagem.

“Tanba ne’e distribuisaun kartera eskolar ne’e ita fokus uluk ba eskola iha area remotas tanba ne’e mak ita hahu uluk husi munisipiu Bobonaro, Ainaru, no Ermera,” nia dehan.

Enkauntu nia dehan, antes ne’e halo ona distribuisaun ba eskola hamutuk 16 iha munisipiu Dili ho total kadera meza 540.

Entretantu, Diretor Edukasaun Munisipiu Ainaru, Celestino Ximenes, dehan eskola 4 ne’ebe mak sai benefisiaria hodi hetan kartera eskolar ne’e mak hane EBF Lesu-Ata hetan 40, eskola sekundariu tekniku vokasional Mau-Lau hetan 75, eskola tekniku vokasional Gil Oan Soru iha 120, no ensiku baziku Mau-lau iha 20.

“Eskola 4 ne’e mak durante ne’e infrenta problema menus kadera no meza tanba kada tinan numeru estudante sempre aumenta maibe agradese tanba ohin loron governu bele responde ona problema ne’ebe mak eskola sira infrenta liu-liu iha area rurais,” Diretor Edukasaun Munisipiu Ainaru Ximenes dehan.

Diretor Edukasaun Munisipiu Bobonaro, Alcino Bareto, dehan total eskola ne’ebe mak hetan uluk oportunidade ba kadera eskolar ne’ebe mak MEJD ofrese hamutuk 15 identifikadu iha area remotas.

“Eskola hanesan Ensinu Baziku Sentral EBC Hau-Ba hetan kadera eskolar hamutuk 75, EBF kota-boot 75, EBF Molop 75, EBF 12 abril 120, EBF Mau-Ubu 45, EBF Karabu 60, eskola EBF Ferik Katuas 75, EBF Moloi 60, EBF Oblekul 75, no EBF Hali-Hun 120, no eskola sira seluk tan,” nia informa.

Tanba ne’e nia husu ba parte eskola sira tenke kuidadu ekipamentu eskolar ne’ebe mak governu ofrese ona hanesan sira nian rasik nune’e bele utiliza iha tempu naruk.