Sábado, Outubro 01, 2022
Total visitors: 668062

Ministeriu Edukasaun Juventude no Desporto (MEJD) liu husi implementasaun projetu komunitaria finaliza ona eskola hamutuk 202 iha rai laran.

Ministeriu Edukasaun Juventude no Desporto (MEJD) liu husi implementasaun projetu komunitaria finaliza ona eskola hamutuk 202 iha rai laran.

Diretor Nasional Dezenvolvimentu Eskolar iha MEJD, Agostinho Soares, dehan projetu komunitaria refere implementa hodi konstrui eskola hamutuk 223 no sala de aula 723 kompostu husi eskola pre-eskolar to'o tekniku vokasional nune'e mos Centro Aprendisagem Formasaun Eskolar CAFE iha teritoriu laran.

"Husi eskola 223 ne'ebe implementa projetu komunitaria hodi halo konstrusaun ne'e ne'e ita finaliza ona konstrusaun eskola hamutuk 202, falta 21 mak konstrusaun sei lao hela," DNDE Soares dehan

Nia dehan, eskola 202 ne'e aprezenta ona ba ADN nune'e bele halo ona inagurasaun no intrega ba professor no estudante sira utiliza hodi halo prosesu aprendisagem ho seguru iha kualker situasaun.

"Tinan ida ne'e ita tenke konkliu ona konstrusaun eskola 223 liu-liu eskola 21 ne'ebe mak seidauk finaliza nian prosesu kontrusaun, maibe espera katak iha fulan dezembru ita bele finaliza ona," nia informa.

Tanba ne'e nia dehan, MEJD garante katak tinan ida ne'e tenke finaliza nune'e tinan oin bele tau fali prioridade ba problem seluk ne'ebe mak eskola sira hasoru.

Kordenador TLCE, Jose Monterio, hateten projetu komunitaria ne’e la’os maioria halo kontrusaun foun ba eskola maibe aumeta sala de aula deit.

Nia dehan, projetu komunitaria ne'e implementa ona komesa 2020 to'o ohin loron seidauk finaliza 100% tanba ne'e husu atu aslera lalais.

“Ita husu atu aslera lalais projetu komunitaria hodi nune’e bele foka fali ba programa seluk ne’ebe mak presija implementa hodi dezenvolve edukasaun iha Timor,” nia dehan.

Tanba ne’e nia dehan, dezenvolvimento edukasaun la’os deit hare ba infaestrutura eskolar maibe presija hadia mos rekursu humanu liu-liu konaba kualidade hanorin professor sira nian.

“Ita hare oras ne’e dadaun infrenta hela problema menus professor no kualidade hanorin iha eskola menus, problema sira ne’e mos presija hadia, la’os deit infaestrutura,” nia dehan.