Sábado, Outubro 01, 2022
Total visitors: 668062

Ministru Ministeriu Edukasaun Juventude no Desportu (MEJD) husu komunidade eskolar kompostu husi professores, estudante, inkliu inan aman sira atu kuntribui hodi kuida lutu moris iha eskola.

Ministru Ministeriu Edukasaun Juventude no Desportu (MEJD) husu komunidade eskolar kompostu husi professores, estudante, inkliu inan aman sira atu kuntribui hodi kuida lutu moris iha eskola.

Nia dehan, lutu moris ne'e hanesan konteudu ai-horis ne'ebe mak estudante sira kuda ona iha area arredores eskolar nian.

"Ita husu ba komunidade eskolar hotu kompostu husi professores, estudante, no inan aman sira ne'ebe hela besik iha eskola atu kuida ai horis ne'ebe mak ita nia estudante sira kuda ona hodi halo lutu moris iha eskola," Ministru Maia dehan.

Nia dehan, lutu moris ne'ebe mak durante ne'e estudante sira kuda iha eskola ne'e diak tebes tanba halo area dores eskola ne'ebe matak no fresu, maibe komunidade sira ne'ebe mak hela besik inkliu estudante sira mak estraga no la kuidadu.

“Programa ne’e komunidade eskolar mak halo rasik, entaun presiza kuidadu aihoris hirak ne’ebe kuda ona hodi sai lutu ba eskola,” nia salienta.

Nia dehan, programa lutu moris dadaun ne’e la’o hela iha eskola sira, liu-liu eskola hirak ne’ebe seidauk iha moru eskola nian no komunidade eskolar rasik maka inisiativa halo ida ne’e.

"Ai horis hirak ne’ebe kuda no sai lutu moris iha eskolas, nia dehan maka hanesan aifarina borasia, aidila, marungi no seluk tan inklui mos kobi," nia informa.

Nia dehan, programa ne’e foin implementa ba eskola sira (75%) iha Timor laran maibe eskola seluk seidauk implementa.

Entretantu, Kordenador Rede Edukasaun Timor-Leste Coalition for Education (TLCE) Jose Monterio hatete, programa lutu moris (ai horis) ne’e pakote ida ho to’os eskolar nian, iha ne’eba estudante sira mos aprende oinsa atu halo lutu uza aihoris.

“Estudante sira aprende oinsa mak halo lutu moris, kuda rasik ita nia lutu uza ai horis lokal. Ita labele depende deit ba semente no besi hodi halo ita nia lutu,” nia hatete.

Nia dehan, programa lutu moris ne’e bele kuda ai farina borasia nia sanak, marungi no mos bele kuda tan aihan ne’ebe mak ema no animal sira bele han inklui mos bele habokur rai.

"Ita hare programa ne'e primeiru ne'e diak tebes, maibe ita hare ikus ne'e lutu Moris ne'e komesa menus ona iha eskola tanba maioria eskola uza moru hotu ona," TLCE Monterio Informa.

Maibe nia dehan, ba eskola ne'ebe mak seidauk iha moru tenke kuda nafatin lutu moris nune'e mos husu ba komunidade sira ne'e okupa area dores eskolar nian tenke kuidadu hanesan estudante no professor sira kuidado no labele estraga.