Quinta, Junho 01, 2023
Total visitors: 754002

Rede Edukasaun Timor-Leste Coalition for Education (TLCE) husu Ministerio Edukasaun Juventude no Desporto (MEJD) tenke aslera lalais projeto komunitaria konaba konstrusaun no reabilitasaun eskola sira iha rai laran, tanba projeto ne’e implementa komesa desde tinan 2020 ona.

Kordenador TLCE, Jose Monterio hateten projeto komunitaria ne’e la’os maioria halo kontrusaun foun ba eskola maibe aumeta sala de aula deit, tanba ne’e bele finaliza lalais.

Kordenador TLCE, Jose Monterio hateten projeto komunitaria ne’e la’os maioria halo kontrusaun foun ba eskola maibe aumeta sala de aula deit, tanba ne’e bele finaliza lalais.

“Ita husu MEJD tenke aslera lalais projeto komunitaria hodi nune’e bele foka fali ba programa seluk ne’ebe mak presija implementa hodi dezenvolve edukasaun iha Timor,” nia dehan.

Tanba ne’e nia dehan, dezenvolvimento edukasaun la’os deit hare ba infaestrutura eskolar maibe presija hadia mos rekursu humanu liu-liu konaba kualidade hanorin professor sira nian.

“Ita hare oras ne’e dadaun infrenta hela problema menus professor no kualidade hanorin iha eskola menus, problema sira ne’e mos presija hadia, la’os deit infaestrutura,” nia dehan via telefone.

Entretanto, Ministro MEJD, Armindo Maia hateten, projeto komunitaria ne’e implementa ba eskola hamutuk 204 iha teritorio laran tomak.

“Projeto ne’e implementa ho orsamento montante 20 milhoens resin ba eskola hamutuk 204 husi eskola hirak ne’e konstrui sala de aula hamutuk 1.523 iha teritorio laran,” MEJD Maia salienta iha knar fatin Vila-Verde.

Nia dehan, husi eskola 204 ne’e implemeta ona projeto komunitaria ba eskola hamutuk 196 hodi aumenta sala de aula 554, eskola balun to’o agora seidauk implemeta tan sei iha problema ba rai, balun problema estrada hodi difikulta implementasaun.

“Ho problema sira ne’e mak difikulta implementasaun projeto komunitaria ne’e to’o ohin loron seidauk finaliza, maibe ita sei buka meios oinsa hodi aslera lalais nune’e ita bele hare fali problema seluk ne’ebe mak presija hadia hodi kuntribui ba dezenvolvimento edukasaun,” nia salienta.