- Publika iha: 16 Janeiro 2022
Tinan 2022, Universidade Catolica Timor-Lorosa’e (UCT) Sao Joao Paulo II, deside ona simu estudante foun hamutuk nain 540 hodi prense ba fakuldade hat (4) ne’ebe mak husi universidade prepara ona, nudar investimentu ba kualidade estudante sira nian.
Reitor UCT, Joel Casimiro Pinto, hateten dadaun ne’e hahu halo ona inskrisaun ba estudante foun sira ba ano letivo 2022 nain.
“Tinan ne’e ami simu deit estudante foun hamutuk 540 nune’e bele tuir estandar nune’e bele kontribui ba dezenvolvimento kualidade estudante nian,” Reitor UCT Pinto deklara.
Nia dehan, ba estudante foun ne’ebe mak sira simu tenke ho valor minimo 7,0 tanba universidade hakarak ofrese buat ne’ebe mak diak ba estudante sira nune’e bainhira sira remata ho rezultado ne’ebe diak.
“Estudante 540 ne’ebe ita simu ne’e hodi prense ba fakuldade hat, Fakuldade Edukasaun, Fakuldade Siensia Humana, Fakuldade Siensia Saude, Fakuldade Engenaria Agrikultura. Iha fakuldade hat ne’e iha kursu 12,” nai salienta.
Tanb ne’e nia dehan, UCT ne’e implementa ida ne’e tanba hamrik hodi promove kaulidade la’os kuantidade.
Alende ne’e nia dehan prosesu inkrisaun ne’e sei finaliza iha dia 11 de fevereiro 2022.
Entretanto, Kordenador Rede Edukasaun Timor-Leste Coalition for Education (TLCE), Jose Monteiro, hateten orgulho tebes ho ezistensia UCT Timor-Lorosa’e ne’ebe mak hambrik hodi promove kualidade iha ensinu superior iha Timor-Leste.
Nai dehan, fiar katak UCT ne’e bele hanorin estudante sira ho kualidade em termos de siensia nune’e mos vida spiritual nune’e bele sai figura ne’ebe diak iha sosiedade nian le’et.
“Ita fiar katak UCT sei kaer metin sira nia promesa ne’ebe mak iha katak sira hambrik hodi promove kualidade la’os kuantidade,” Kordenador TLCE Monteiro hateten.
Tanba ne’e nia dehan, ezistensia UCT ne’e uniku tebes iha Timor tanba ne’e husu atu hanorin ho kualidade hodi halo dezenvolvimento edukasaun iha area esino superior sira Timor ne’ebe mak diferensia ho universidade privado no publiku sira ne’ebe antes ne’e eziste ona.